वर्षा याममा ड्रम वा डिस्क ब्रेक कुन राम्रो ?

वर्षा याममा सडक दुर्घटना बढ्दै गएको छ । यो मौसमले विशेष गरी बाइकमा यात्रा गर्नेहरूको समस्या बढाएको छ । भिजेको बाटोमा ब्रेक लगाउन गाह्रो हुन्छ र चिप्लिने जोखिम पनि बढ्छ । वर्षामा बाइक चलाउँदा ड्रम ब्रेक वा डिस्क ब्रेकमा कुन राम्रो हुन्छ त ? जान्नुहोस्

बाइकमा २ प्रकारका ब्रेक उपलब्ध हुन्छ ड्रम र डिस्क ब्रेक । कतिपय मोटरसाइकलमा यी दुवै जडान गरिएको हुन्छ। जसमा अगाडि डिस्क ब्रेक र पछाडि ड्रम ब्रेक हुन्छ, तर पावरफूल बाइकको दुवै पाङ्ग्रामा डिस्क ब्रेक हुन्छ ।

ड्रम ब्रेक र डिस्क ब्रेक दुवैको आफ्नै फाइदाहरू हुन्छन् । वर्षामा बाइकलाई चिप्लिनबाट जोगाउन डिस्क ब्रेक राम्रो मानिन्छ । यो ब्रेकले भिजेको र चिप्लो सडकमा ब्रेकिङ एरियाबाट पानी छिट्टै हटाउँछ, जसका कारण ब्रेक लगाउन कुनै समस्या हुँदैन र बाइकको टायर सडकमा चिप्लिँदैन । बाइकलाई छिट्टै रोक्नका लागि डिस्क ब्रेक बढी उपयोगी हुन्छ र यसले बाइकलाई सडकमा राम्रोसँग रोक्न मदत गर्छ ।

तर ड्रम ब्रेक वर्षामा टायर चिप्लिनबाट जोगाउनका लागि डिजाइन गरिएको हुँदैन । वर्षामा यसको परफर्मेन्स राम्रो हुँदैन । भिजेको बाटोमा अचानक ब्रेक लगाउनु पर्दा ड्रम ब्रेकले बाइक रोक्न बढी समय लाग्न सक्छ। जसका कारण मोटरसाइकल स्लिप र दुर्घटनाको जोखिम बढेको हुन्छ ।

डिस्क ब्रेक भएका बाइक ड्रम ब्रेक भएका बाइक भन्दा महँगो हुन्छ । वर्षा याममा सुरक्षित यात्रा गर्नका लागि डिस्क ब्रेक भएको बाइक छनोट गर्नु राम्रो हुन्छ ।