कमेडी च्याम्पियन विजेताले पुरस्कारमा नेटा भी पाउने

काठमाडौं– रियालिटी शो कमेडी च्याम्पियनले तेस्रो सिजनका विजेतालाई इलेक्ट्रिक कार ‘नेटा भी’ पुरस्कार दिने भएको छ । निर्माता टिमले सामाजिक सञ्जाल फेसबुकमा एक पोस्ट राख्दै यसबारे जानकारी दिएको हो ।

कमेडी च्याम्पियनले यसका लागि सीजी मोटर्ससँग सहकार्य गरेको हो । ३९ लाख रुपैयाँ मूल्य रहेको यो गाडीले एक पटकको चार्जमा ३५० किलोमिटर रेञ्ज दिने कम्पनीको दाबी छ । कारमा ३८.५ किलोवाट आवरको ब्याट्री प्याक र ७० किलोवाट क्षमताको मोटर जडान गरिएको छ । २ वर्षअघि सार्वजनिक भएको यो गाडी नेपालमा सीजी मोटर्सले बिक्री गर्दै आएको छ ।

कमेडी च्याम्पियनको उत्कृष्ट तीनमा सुयाशा खनाल, सुनिल खड्का र रिशव काफ्ले रहेका छन् । यी मध्ये एक जना विजेताले यो गाडी पाउनेछन् । आगामी असार १५ गते विजेताको नाम घोषणा गरिनेछ ।