सोनाक्षी सिन्हाको कार कलेक्सन, श्रीमान् जहीरले कुन कार चलाउँछन् ?

सोनाक्षी सिन्हा र जहीर इकबालले झण्डै ७ वर्ष एक अर्कालाई डेट गरिसकेपछि अन्ततः विवाह बन्धनमा बाँधिएका छन् । यो जोडीले जुन २३ मा मुम्बईमा विवाह गरेका थिए ।

विवाह समारोहमा उनीहरू परम्परागत पहिरनमा पुगेका थिए । जहाँ एकतर्फ सोनाक्षी सिन्हा रातो रङको साडी, कपालमा गजरा, कपालमा सिन्दूर र हातमा चुरा लगाएकी देखिएकी थिइन् भने अर्कोतर्फ जहीर सेतो रङको जोधपुरीमा देखिएका थिए ।  

सोनाक्षी आफ्नो लक्जरी कारमा धेरै पटक देखिएकी छिन् । मिडिया रिपोर्टका अनुसार सोनाक्षीसँग मर्सिडिज बेन्ज र बीएमडब्लू जस्ता लक्जरी ब्रान्डका कारहरू छन् । उनको ग्यारेजमा मर्सिडिज बेन्ज एस३६० (मूल्य १ करोड ४२ लाख), मर्सिडिज बेन्ज जीएलएस ३५०डी (मूल्य ८७ लाख ७६ हजार) र बीएमडब्लू ६ सिरिज जीटी (मूल्य ७५ लाख ९० हजार) भारु जस्ता कारहरू छन्।

जहीरसँग लक्जरी कारका साथै सुपर बाइकको कलेक्सन छ । रिपोर्टका अनुसार जहीरसँग मर्सिडीज बेन्ज एम-क्लास छ जसको मूल्य करिब ५६ लाख ७४ हजार भारु छ। उनीसँग डुकाटी स्क्र्याम्बलर सुपर बाइक पनि छ जसको मूल्य करिब ८ लाख भारु छ ।