स्कर्पियो र वोलेरो पनि इलेक्ट्रिक भर्सनमा आउने

भारतिय अटो उत्पादक महिन्द्राले आफ्नो लोकप्रिय एसयूभी स्कर्पियो र बोलेरोलाई इलेक्ट्रिक भर्सनमा उतार्ने जनाएको छ । यसअघि एक्सयूभी सिरिज र थारलाई इलेक्ट्रिक भर्सनमा उतार्ने घोषणा गरिसकेको कम्पनीले अव स्कर्पियो र बोलेरोलाई पनि ईलेक्ट्रिक अवतारमा ल्याउन लागेको हो । यी दुई ईभी २०३० सम्म बजारमा आइसक्ने आँकलन गरिएको छ ।

स्कर्पियो र बोलेरो इभीलाई कम्पनीले आफ्नो इंग्लो स्केटबोर्ड प्लेटफर्ममा तयार पर्न सक्ने अनुमान गरिएको छ । ईभी डेडिकेटेड प्लेटफर्म अन्तर्गत बर्न ईभी ल्याउने तयारी गरिरहेको महिन्द्राले आफ्नो छुट्टै ल्याडर फ्रेम चेसिस समेत तयार पारिसकेको छ । जसअन्गर्तत अहिले ई सिरिजका विभन्न मोडल तयार भइरहेका छन् ।

कम्पनीले अघिल्लो वर्षको अगष्टमा थार ईभीको कन्सेप्ट देखाएको थियो । सोही कन्सेप्टमा प्रयोग हुने ब्याट्री प्याक स्कर्पियो र बोलेरो ईभीमा पनि प्रयोग हुनसक्ने अनुमान गरिएको छ । यी ईभीमा महिन्द्राले ६० र ८० किलोवाट आवरको ब्याट्री प्याक जडान गर्न सक्ने संभावना छ । जसअनुसार रेन्ज ३२५ र ४५० किलोमिटर हुनेछ ।