होन्डाले सन् २०३० सम्ममा ५ नयाँ एसयूभी लन्च गर्ने, एलिभेटमा आधारित ईभी ल्याउने

होन्डाले सन् २०३० सम्ममा भारतमा ५ वटा नयाँ एसयूभी लन्च गर्ने योजना बनाएको छ । कम्पनीले एलिभेटमा आधारित ईभी आगामी २-३ वर्षमा लन्च गर्ने अपेक्षा गरिएको छ। होन्डाको पहिलो ईभी एशियन कम्प्याक्ट इलेक्ट्रिकको हिस्सा हुने अनुमान गरिएको छ ।

होन्डा कार इन्डियाले गत वर्ष लन्च गरेको एलिभेट एसयूभीले बिक्रीको हिसाबले राम्रो प्रदर्शन गरेको थियो। यसैलाई ध्यानमा राख्दै कम्पनीले भारतीय बजारमा नयाँ मोडल ल्याउने योजना बनाएको हो । यसमा ईभीका साथै नयाँ कम्प्याक्ट एसयूभी र सेडान समावेश छ।

कम्पनीको कम्प्याक्ट सेडानको नेक्स्ट जेन मोडल पहिले नै विकसित भइरहेको छ। मिडिया रिपोर्टका अनुसार कम्प्याक्ट सेडान फेस्टिभ सिजनमा भारतमा लन्च हुने अपेक्षा गरिएको छ। होन्डाले आगामी हुन्डाई क्रेटा ईभी र मारुती सुजुकी ईभीएक्सलाई टक्कर दिन एलिभेट ईभी लन्च गर्नेछ । यसको लागि कम्पनीले राजस्थानमा रहेको तापुकारा प्लान्टमा सो ईभी निर्माण गर्नेछ ।

होन्डाले भारतीय बजारका लागि नयाँ कम्प्याक्ट एसयूभी पनि तयार गर्दैछ । यसलाई कम्पनीले २०२४ को अन्त्यसम्ममा लन्च गर्न सक्ने अपेक्षा गरिएको छ। मारुती सुजुकी ब्रेजा, किया सोनेट, टाटा नेक्सन र हुन्डाई भेन्यु जस्ता अन्य कारसँग प्रतिस्पर्धा गर्ने सो नयाँ सब-४ मिटर कार ब्रान्डको लाइनअपमा एलिभेटभन्दा तल रहनेछ।

मिडिया रिपोर्टका अनुसार कम्पनीले डब्ल्युआर - भी नाम प्रयोग गर्न सक्नेछ । यसको डिजाइन एलिभेट जस्तै हुनेछ र यसमा एडीएएस टेक्नोलोजी समावेश गर्नेछ । सो कारमा १.२-लिटर आई-भीटीइसी इन्जिनले सुसज्जित हुने सम्भावना छ। सो इन्जिनले ९० बीएचपी र ११० एनएम पीक टर्क उत्पादन गर्नेछ, जसलाई म्यानुअल र अटोमेटिक गियरबक्स दुवैको विकल्पसँग जोडिनेछ ।