हुन्डाई इन्स्टर ईभीको पहिलो झलक सार्वजनिक, यस्तो छ हुन्डाईको आगामी योजना

हुन्डाईले नयाँ अल इलेक्ट्रिक माइक्रो एसयूभी सार्वजनिक गरेको छ । कम्पनीले यसलाई हुन्डाई इन्स्टर नाम दिएको छ । सो एसयूभी जुन २७ र जुलाई ७ बिचमा कोरियामा आयोजना हुने बुसान इन्टरनेशनल मोटर शो २०२४ मा अन्तर्राष्ट्रिय स्तरमा लन्च गर्नेछ ।

इन्स्टर नाम इन्टिमेट र इनोभेटिभ शब्दबाट आएको कम्पनीले जनाएको छ । क्यास्पर प्लेटफर्ममा निर्मित हुन्डाई इन्स्टरमा गोल हेडलाइट जस्ता डिजाइन हुने अनुमान गरिएको छ । साथै विशिष्ट पिक्सेलेटेड एलईडी डेटाइम रनिङ लाइटको साथमा आधुनिक टच पनि हुन सक्ने अनुमान गरिएको छ ।

हुन्डाईले इन्स्टरमा टाटा टिगोर ईभीमा जस्तै सिंगल चार्जमा ३१५ किलोमिटरको रेन्ज दिने दाबी गरेको छ। यसको इन्टेरियरमा पूर्ण रूपमा डिजिटल ड्राइभर डिस्प्ले हुनेछ ।

हुन्डाईले आगामी दिनमा धेरै ईभी लन्च गर्ने योजना बनाइरहेको छ। कम्पनीले सर्वप्रथम क्रेटा ईभी लन्च गर्नेछ । कम्पनीले सन् २०२४ को अन्त्यसम्ममा आफ्नो चेन्नई प्लान्टमा पहिलो इलेक्ट्रिक एसयूभी मोडलको ठुलो उत्पादन सुरु गर्ने लक्ष्य राखेको छ।