वर्ल्ड कार ग्रुप -याङकिङको १०औं नम्बरमा उक्लियो बीवाईडी, टोयोटा पहिलो नम्बरमा

सन् २०२३ को वर्ल्ड कार ग्रुप -याङकिङङमा टोयोटाको बर्चस्व देखिएको छ । यसमा फक्सवागन दोस्रो र हुन्डाई–किया तेस्रो स्थानमा रहेका छन् भने पहिलो पटक ईभी ब्रान्डको प्रतिनिधित्व गर्दै बीवाईडी दशौं नम्बरमा उक्लिएको छ ।

साउथ इस्ट एसिया स्ट्याट्सले विश्वका विभिन्न १५९ देशमा उपलब्ध सबै ब्रान्ड र मोडलका अधारमा प्राप्त ग्लोबल डाटाबेसको आधारमा यो रिपोर्ट तयार गरेको बताएको छ ।

कार निर्माता कम्पनी र यसमा संलग्न ग्रुपले बिक्री गरेको कार बिक्रीको आधारमा सो तथ्यांक प्रस्तुत गरिएको हो ।

टोयोटा गत वर्ष पनि पहिलो नम्बरमै थियो । तर सन् २०२३ मा ४.६ प्रतिशत बढी अर्थात १ करोड ८० लाख गाडी बिक्री गरेको छ ।

दोस्रोमा रहेको फक्सवागन ग्रुपले ८० लाख ८० हजार अर्थात १०.९ प्रतिशत बढी बिक्री गरेको छ । फक्सवागनले अमेरिकामा १६.६ प्रतिशत र युरोपमा २०.३ प्रतिशत बढी बिक्री गरेको छ । तेस्रोमा रहेको हुन्डाई–किया ग्रुपले ७० लाख १० हजार गाडी बिक्री गरेको छ, जुन ३.९ प्रतिशत बढी हो ।

चौथोमा रेनो–निसान एलायन्स, पाँचौमा स्टेलान्टिस रहेको छ । स्टेलान्टिस अन्तर्गत अबार्थ, अल्फा रोमियो, क्रिस्लर, सिट्रोन, डज, डीएस, फियाट, जिप, लान्सिया, मासेराटी, ओपेल, प्युजो, राम र भक्सहल पर्छन् ।

छैटौं, सातौ, आठौ र नवौंमा क्रमशः जनरल मोटर्स, होन्डा, फोर्ड र सुजुकी परेका छन् ।

दशौं नम्बरमा रहेको बीवाईडी गत वर्ष भन्दा एकै पटक ३ स्थान माथि उक्लिएको हो । बीवाईडीले सन् २०२३ मा ४६.३ प्रतिशत बढी अर्थात २६ लाख गाडी बिक्री गरेको तथ्यांकले देखाएको छ ।