नयाँ हिमालयनमा आधारित फ्ल्याट ट्रयाक ४५० सार्बजनिक

रोयल इन्फिल्डले नयाँ हिमालयन ४५० मा आधारित फ्ल्याट ट्रयाकिङ बाइक सार्बजनिक गरेको छ । कम्पनीले सो नयाँ बाइकलाई लन्डन बाइक शेड मोटो शो मा प्रदर्शन गरेको हो ।

फ्ल्याट ट्रयाक ४५० मा कार्बन फाइबरबाट बनेको खुला फ्रेम र न्यूनतम बडी प्यानलहरू भएको सरल डिजाइन छ । सो बाइकको अगाडि टेलिस्कोपिक फोर्क र पछाडि मोनो–शकसहितको फ्ल्याट ह्यान्डलबार राखिएको छ ।

हिमालयन ४५० कै इन्जिन जडान गरिएको सो नयाँ मोटरसाइकलले ३९.५ बिएचपी पावर र ४० एनएम टर्क जेनेरेट गर्दछ । इज्निलाई ६ स्पिड गियर वक्ससंग जोडिएको छ ।

रेस एक्जस्ट दिइएको बाइकमा म्याक्सिस टायरको साथ एलोय ह्वील र ठूलो रियर डिस्क ब्रेक छ । सो नयाँ मोटरसाइकलले यसअघिको एफटी ४११ लाई प्रतिस्थापन गर्नेछ । जुन पुरानो ४११ सिसी हिमालयनमा आधारित थियो ।