MOSROS ललितपुर–चन्द्रागिरी सम्पदा कार -याली र राष्ट्रिय अटोक्रस च्याम्पियनसिप हुने

काठमाडौं – नेपाल मोटर स्पोट्र्स एन्ड रोड सेफ्टी फेडरेसन (एनएमआरएफ) ले विश्व वातावरण दिवसको अवसर पारेर ललितपुर देखि चन्द्रागिरि सम्म MOSROS ललितपुर–चन्द्रागिरी सम्पदा कार -याली र राष्ट्रिय अटोक्रस च्याम्पियनसिप आयोजना गर्ने घोषणा गरेको छ ।

-याली ललितपुरको जावलाखेल मैदानबाट शुरू हुनेछ । ललितपुरका कृष्ण मन्दिर लगायतका विभिन्न पुरातात्विक सम्पदा स्थलहरू र काठमाडौंका स्वयम्भू स्तुपा र ऐतिहासिक कीर्तिपुर शहरको पुरातत्विक सम्पदामा घुम्दै मनोरम मातातिर्थमा पुगेर समापन हुनेछ ।

यस कार्यक्रममा दुई रोमाञ्चक खण्ड समय, गति र दुरीका आधारमा गरिने टीएसडी ¥याली र अटोक्रस प्रतियोगिता हुनेछ । टीएसडी -यालीमा ड्राइभरहरूले तोकिएको गति, चालमा गाडी चलाउनुपर्नेछ । समय, गति र दुरीको आधारमा ड्राइभरहरूले प्रतिस्पर्धा गर्नेछन् । अटोक्रस खण्ड मातातिर्थमा हुनेछ, जसमा राष्ट्रिय ड्राइभरहरूले उत्कृष्ट प्रदर्शनी गर्ने छन् ।

अटोक्रसमा भाग लिने गाडीहरू १ हजार देखि १ हजार ६ सय सीसी सम्मका हुनेछन् । सबै कारहरु सहभागी हुन सक्ने सो ¥यालीमा अधिकतम २५ गाडीहरू सहभागी रहने आयोजकको भनाइ छ । गाडीमा ड्राइभर र एक नेभिगेटर हुनेछन् ।

नेपाल अटोमोबाइल्स एसोसिएसन (नासा नेपाल) मा आवद्ध एनएमआरएफमा अनुभवी खेलाडी तथा खेलकर्मी सदस्यहरु रहेका छन् ।

ललितपुर महानगरपालिका र चन्द्रागिरि नगरपालिकाको सहयोग तथा आबद्धता सहित हुन गइरहेको सो -यालीमा ललितपुर, काठमाडौं सहित कीर्तिपुर अनि चन्द्रागिरि लगायतका सम्पदाहरुलाई मोटर स्पोट्र्सका माध्यमबाट बिश्वस्तरमा पुराउने विश्वास आयोजकले लिएको बताइएको छ ।

यस सम्बन्धी जानकारी दिन आयोजित कार्यक्रममा चन्द्रागिरि नगरपालिका वडा नम्बर ६ र १५ का वडाध्यक्ष क्रमशः सञ्जय सिग्देल र घनश्याम लुइटेलले चन्द्रागिरि नगरपालिका क्षेत्रमा एड्भेन्चर स्पोर्ट्सका लागि धेरै कार्य गर्न सकिने र आगामी दिनमा यो क्षेत्रमा विशेषज्ञहरुको सहयोगमा सो कार्यलाई प्राथमिकताका साथ अगाडि बढाउने प्रतिबद्धता व्यक्त गरे ।

एफआईए वर्ल्ड काउन्सिल मेम्बर गोविन्द भट्टराईले धेरै सम्भावना भएको चन्द्रागिरि नगरपालिका क्षेत्रमा पहिलो पटक यस प्रकारको कार्यक्रम गर्न लागिएको र आगामी दिनमा नगरपालिकासँग मिलेर अझै धेरै कार्य गर्न सकिने सम्भावना वारेमा विविध जानकारी प्रस्तुत गरे ।

बिमक संघका अध्यक्ष चंकी क्षेत्रीले कुनै पनि सवारी साधनको -याली वा यस्तै कार्यक्रम गर्दा बिमा गर्नु अनिवार्यता भएको र अन्य अवस्थामा समेत बिमाको वारेमा सचेत हुन सवैलाई आग्रह गरे ।

एनएमआरएफका अध्यक्ष दीपक आचार्यले सो प्रतियोगिताले खेलका साथै ललितपुर र चन्द्रागिरिका पुरातात्विक सम्पदामा झल्किने नेपालको समृद्धिपनालाई अन्तर्राष्ट्रिय जगतमा फैलाउन र वातावरणको संरक्षणमा आफ्नो समर्पणलाई दर्शाउने विश्वास व्यक्त गरे ।

एनएमआरएफका महासचिव अनिल के. बरालले MOSROS ललितपुर - चन्द्रागिरि सम्पदा कार -याली र राष्ट्रिय अटोक्रस च्याम्पियनसिप पूर्ण रूपमा सुरक्षित खेल, सम्पदा र पर्यावरण गरी तीन महत्वपूर्ण कार्यलाई सम्बोधन गर्ने मोटर स्पोर्ट्स इभेन्ट हुने भएकाले सबैलाई सहभागिताका लागि आमन्त्रण गरे ।