बीवाईडी ओसन–एम कन्सेप्टको प्रोडक्सन भर्सन कार बीवाईडी सिल एक्स सार्वजनिक

चीनको उद्योग तथा सूचना प्रविधि मन्त्रालयले बीवाईडी सिल एक्स ह्याचब्याकलाई स्वीकृति प्रदान गरेको छ । ओसन सिरिज अन्तर्गत प्योर इलेक्ट्रिक सेडानको रुपमा उपलब्ध गराइने सो कार गत महिना बेइजिङ अटो शोमा सार्वजनिक गरिएको बीवाईडी ओसन–एम कन्सेप्टको प्रोडक्सन भर्सन भएको बताइएको छ ।

हाल बीवाईडीले सिल फेमिली अन्तर्गत सिल ०६, सिल ईभी, सिल डीएम–आई र सिल युु उपलब्ध गराइरहेको छ । अप्रिल महिनाको तथ्यांक अनुसार ओसन सिरिजको बिक्रीमा सिल फेमिलीको योगदान १०.२६ प्रतिशत रहेको छ । अब यो फेमिलीमा बीवाईडी सिल एक्स समेत थपिने भएको छ ।

बीवाईडी सिलको लम्बाई, चौडाई र उचाई क्रमशः ४६३० एमएम, १८८० एमएम र १४९० एमएम छ भने ह्विलबेस २८२० एमएम छ । यसको अधिकतम गति २०० किलोमिटर प्रतिघण्टा हुनेछ । यो गाडी रियल ह्विल र फोर ह्विल ड्राइभमा उपलब्ध हुनेछ ।

बीवाईडी सिल एक्सको सिंगल मोटर मोडलको पावर १६० किलोवाट र ड्युुअल मोटर मोडलको पावर ३१० किलोवाट सम्म हुनेछ । यसमा बीवाईडीको ब्लेड ब्याट्री प्रयोग हुनेछ ।

यसको पावरट्रेन र अन्य जानकारी भने हाल सार्वजनिक भएको छैन ।