बेइजिङ अटो शोमा बीवाईडीले सार्वजनिक ग-यो ओसन–एम कन्सेप्ट

बेइजिङ अटो शोमा बीवाईडीले नयाँ ओसन–एम कन्सेप्ट सार्वजनिक गरेको छ । यो वर्षको थर्ड क्वाटरमा लन्च गर्ने तयारी भएको प्रोडक्सन कारको प्रिभ्युको रुपमा यसलाई लिइएको छ ।

रेडिकल लुक भएको सो ह्याचब्याक बीवाईडीले पहिले नै उपलब्ध गराएको डल्फिन ह्याचब्याक भन्दा केही ठूलो छ र यस अनुसार सो कारले फक्सवागन आईडी.३ सँग प्रतिस्पर्धा गर्ने अनुमान गर्न सकिन्छ । विशेष गरी युरोपेली बजारलाई यसले लक्ष्यित गरेको मान्न सकिन्छ ।

फ्रन्टमा हेर्दा यसमा ठूला हेडलाइट छन् भने एयर इन्टेकसँगै यसको लोअर लिप एग्रेसिभ रुपमा स्प्लिट गरिएको छ । फाइभ स्पोक ह्विल सहितको कार स्पोर्टी देखिएको छ ।

डल्फिन र सिल जस्ता नाम राखेर बजारमा विभिन्न कार उपलब्ध गराइरहेको बीवाईडीले यो कारको नाम पनि यस्तै सामुद्रिक जीवका आधारमा राख्ने अनुमान गर्न सकिन्छ । त्यसैगरी यो कार इलेक्ट्रिक हुने समेत अनुमान गर्न सकिन्छ ।

बीवाईडीले नयाँ इलेक्ट्रिक प्लेटफर्म र सम्भवतः ई–प्लेटफर्म ४.० मा सो कार उपलब्ध गराउने र रियल ह्विल ड्राइभ कार समेत हुने अनुमान समेत गरिएको छ । त्यसैगरी बीवाईडीले हालै विकास गरेको नयाँ सेकेन्ड जेनेरेसन ब्लेड ब्याट्री प्रयोग हुने समेत सम्भावना छ ।