हुन्डाईमा लक्ष्मी ग्रुपको छलाङ : डिलरदेखि आयातकर्ता हुँदै उत्पादक सम्मको यात्रा

गत शुक्रबार प्रधानमन्त्री पुष्पकम दाहाल ‘प्रचण्ड’ ले हुन्डाई गाडीको एसेम्वल प्लान्ट भ्रमण गरी नेपालमै एसेम्वल भएको पहिलो हुन्डाई मोडल भेन्युलाई सार्वजनिक गरे । त्यसको भोलिपल्ट अर्थात शनिबार सञ्चारकर्मीहरुको ठूलो समुहले नवलपरासीको रामग्रामस्थित एसेम्वल प्लान्टको अवलेकन भ्रमण र गाडीको टेष्ट ड्राइभ गरे । यी दुबै कार्यक्रमले दिन खोजेको स्पष्ट सन्देश एउटै थियो, ‘टु ह्विलरपछि नेपाल अब फोर ह्विलरको उत्पादनमा पनि प्रवेश ग-यो ।’

हुन्डाई गाडीलाई स्वदेशमै एसेम्वल गर्ने व्यावसायिक घरना हो लक्ष्मी ग्रुप । अटोमोबाइल बाहेक डेरी, कन्फेक्सनरी, स्टिल र होम एप्लायन्स लगायत थुप्रै क्षेत्रमा व्यापार विस्तार गरिसकेको यो समुहले सन् २००९ फेब्रुअरीदेखि नेपालमा औपचारिक रुपमा हुन्डाई गाडीको वितरकका रुपमा काम गर्दै आएको छ । ग्रुप अन्तर्गतको लक्ष्मी इन्टरकन्टिनेन्टलले गाडी आयत गर्दै आएकोमा अव अर्को कम्पनी लक्ष्मी मोटर कर्पोरेसनले नेपालमै गाडी एसेम्वल थालेको हो ।

हुन्डाई ब्रान्डसँग लक्ष्मी ग्रुपको सम्वन्ध भने २००९ अघिबाटै सुरु भएको थियो । यो समुहले डिलरसिप लिनुअघि १३ वर्षसम्म एभ्को इन्टरनेसनलले नेपालमा हुन्डाई गाडी आयात गरी बिक्री गर्दा लक्ष्मी ग्रुपको एक कम्पनीले काठमाडौका लागि आधिकारिक डिलरका रुपमा गाडी बिक्री गर्दै आएको थियो । एभ्को इन्टरनेसनल संकटमा पर्न थालेपछि २००८ देखि नै लक्ष्मी ग्रुपले सिधै कोरियाबाट आयात गरी गाडी बिक्री गर्न थालिसकेको थियो । पछि फेब्रुअरी २००९ मा यो ग्रुपले नेपालका लागि एकमात्र आयातकर्ताका रुपमा हुन्डाई गाडी बिक्री गर्ने अवसर पायो ।

शोरुममात्रै होइन गाडीको मर्मत सम्भार र स्पेयर पार्ट्स बिक्री गर्ने आउटलेट (सर्भिस सेन्टर) को आधुनिकीकरणमा समेत लक्ष्मी समुहको प्रयासलाई अनुकरणिय मानिन्छ ।

आधिकारिक बिक्रेता बनेको १५ वर्षपछि कम्पनीले ठूलो लगानी लगाएर अत्याधुनिक प्लान्ट स्थापना गरी नेपालमै गाडी उत्पादन थालेको हो ।

सोरुम, सर्भिस सेन्टर र एसेम्वलीमा ट्रेन्ड सेट
हुन्डाई ब्रान्डलाई आफू मातहत ल्याएपछि यो समुहले नेपालको अटोमोबाइल बजारमा ‘ट्रेण्ड’ नै सेट गर्नेगरी काम गर्दै आएको छ । सोरुमको आधुनिकीकरण देखि ‘आफ्टर सेल्स सपोर्ट’मा उत्कृष्ट सेवा दिन कम्पनीले गरेको मेहनत र लगानीकै कारण हुन्डाई ब्रान्ड ग्राहकको पहिलो रोजाइमा पर्दै आएको छ ।

अटोमोबाइल हवका रुपमा परिचित थापाथलीमा पहिलो अत्याधुनिक सोरुम संचालन गरेको जस समेत लक्ष्मी समुहलाई नै जान्छ । फराकिलो पूर्बाधारमा सुविधासम्पन्न सोरुम संचालन गरेर कम्पनीले गाडी बिक्री गर्ने नयाँ ट्रेन्ड सेट गरेको थियो । हुन्डाई मोटर कोरियाको गाइडलाइन अनुसार खडा भएको उक्त संरचना अहिले पनि निकै भब्य र आधुनिक देखिन्छ । पछि हुन्डाईकै सिको गरी अन्य ब्रान्डले पनि सोरुमको पूर्बाधारलाई अत्याधुनिक बनाउँदै लगेका छन् । हुन्डाईको अहिले देशभर संचालनमा रहेका १६ वटै सोरुम अत्याधुनिक र सुविधासम्पन्न वनिसकेका छन् ।

शोरुममात्रै होइन गाडीको मर्मत सम्भार र स्पेयर पार्ट्स बिक्री गर्ने आउटलेट (सर्भिस सेन्टर) को आधुनिकीकरणमा समेत लक्ष्मी समुहको प्रयासलाई अनुकरणिय मानिन्छ । उपत्यकामा रहेको उसको कुपन्डोल, वसुन्धारा र सिनामंगलस्थित सर्भिस सेन्टर पूर्बाधार र सुबिधाका हिसावले सर्बोत्कृष्ट छ भन्दा फरक पर्दैन । गाडीको बिक्री र विक्री पछिको सेवामा उत्कृष्ट सेवा दिँदै आएको लक्ष्मी समुहले आफ्नो एसेम्वल प्लान्टलाई समेत अत्याधुनिक र सुविधासम्पन्न बनाउन कुनै कसुर बाँकी राखेको छैन । काठमाडौ उपत्यका सहित देशभर संचालनमा रहेका १९ वटै सर्भिस सेन्टर पूर्वाधार र सुविधाका हिसावले उत्कृष्ट छन् ।

सोरुम र सर्भिस सेन्टरको आधुनिकीकरणमा ट्रेन्ड सेट गर्न सफल यो समहुले संचालनमा ल्याएको एसेम्बल प्लान्ट समेत अत्याधुनिक र सुविधासम्पन्न छ । दक्षिण एसियाली राष्ट्रमा भारतपछि दोस्रो अत्याधुनिक हुन्डाई प्लान्ट स्थापना गरेको कम्पनीले स्वदेशमै हुन्डाईजस्तो प्रख्यात मल्टिनेसनल ब्रान्डलाई नेपालमै एसेम्वल गर्न सकिन्छ भन्ने स्पष्ट सन्देश दिएको छ । फोर ह्विलरको एसेम्वलमा बाटो देखाएको लक्ष्मी समुहलाई अनुशरण गरी भोलिका दिनमा अन्य ब्रान्डले पनि स्वदेशमै प्लान्ट लगाउने सम्भावना उच्च देखिन्छ ।