रोयल इन्फिल्डले ‘गुरिल्ला’ ४५० नाममा नयाँ मोटरसाइकल ल्याउने

रोयल इन्फिल्डले नयाँ मोटरसाइकलका लागी ट्रेडमार्क दर्ता गराएको छ । कम्पनीले ’गुरिल्ला ४५०’ नेम ट्यागको लागि ट्रेडमार्क दर्ता गरेको हो । साथै उसले ‘गुरिल्ला ४५०’ को लोगो पनि दर्ता गरेको छ ।

मिडिया रिपोर्टका अनुसार रोयल इन्फिल्डले भारतीय बजारका लागि ६ वटा नयाँ मोटरसाइकल ल्याउने तयारी गरिरहेको छ । यसमा गुरिल्ला ४५० र गोआन क्लासिक ३५० समावेश छ । यी दुई बाइक हालसालै पेटेन्ट फाइलिङ मार्फत लीक भएको हो ।

गुरिल्ला ४५० ४५२ सीसी प्लेटफर्ममा आधारित हिमालयन पछि दोस्रो मोडल हुनेछ । बाइकमा नियो–रेट्रो रोडस्टर डिजाइन फिचर हुनेछ र यसले ट्राइम्फ स्पीड ४०० संग प्रतिस्पर्धा गर्नेछ ।

हिमालयन ४५० मा दिइएको ४५२ सीसी इन्जिन जडान भएर आउने अपेक्षा गरिएको सो नयाँ मोटरसाइकल २०२४ को दोस्रो त्रैमासिकमा लन्च हुने अनुमान छ ।