टिभिएसले बनाएको बिएमडब्लु इलेक्ट्रिक स्कुटरको निर्यात सुरु

काठमाडौं– टिभिएसले भारतमा बनाएको बिएमडब्लु सिई–०२ इलेक्ट्रिक स्कुटरको निर्यात सुरु गरेको छ । कम्पनीले गत आर्थिक वर्षमा ९२४ युनिट विदेशी बजारमा पठाएको थियो ।

टिभिएसले गत वर्ष अक्टोबरदेखि आफ्नो होसुर प्लान्टमा सो इलेक्ट्रिक स्कुटर उत्पादन गर्दै आएको छ । उक्त स्कुटर बिएमडब्लु मोटार्डसँगको सहकार्यमा डिजाइन र विकास गरिएको हो ।

बिएमडब्लु सिई–०२मा २ किलोवाट आवर क्षमतको लिथियम–आयन ब्याट्री जडान गरिएको छ । यसमा दिइएको इलेक्ट्रिक मोटरले १५ बिएचपी पावर दिन्छ । स्कुटरको टप स्पीड ९५ किलोमिटर प्रतिघण्टा छ र एक पटक चार्जमा ९० किमीसम्म यात्रा गर्न सक्छ । साथै यो स्कुटर ४५ किलोमिटर प्रतिघण्टाको उच्च गति र ४५ ४५ किलोमिटर रेन्ज भएको सिंगल ब्याट्री भर्सनमा पनि उपलब्ध छ ।

यी दुबै स्कुटरलाई ०.९ किलोवाट क्षमताको चार्जर प्रयोग गरेर चार्ज गर्न सकिन्छ । उक्त चार्जरले चार्ज गर्दा ५ घण्टा १२ मिनेटमा फुल चार्ज गर्न सकिन्छ भने १.५ किलोवाट क्षमताको फास्ट चार्जरको साहयतामा यसलाई ३ घण्टा ३० मिनेटमै फुल चार्ज गर्न सकिन्छ ।