माइल्ड हाइब्रिड सिस्टमसंगै इन्धन किफायती बनेर आयो टोयोटा फर्चूनर

टोयोटाको लोकप्रिय एसयूभी फर्चुनर हाईब्रिड भर्सनमा आएको छ । टोयोटाले दक्षिण अफ्रिाकामा फर्चुनरको माइल्ड हाइब्रिड भर्सन सार्बजनिक गरेको हो । सो एसयुभीमा आइडल–स्टार्ट–स्टप सिस्टम सहित ४८ भोल्ट माइल्ड हाईब्रिड सिस्टम दिइएको छ । जसका कारण स्ट्यान्डर्ड फर्चूनरको तुलनामा यो ५ प्रतिशतले इन्धन किफायती बनेको कम्पनी दावी छ ।

फर्चूनर हाइब्रिडमा टोयोटाले यसअघि ल्याएको हाइलक्स माइल्ड हाईब्रिडमा जस्तै २.८ लिटरको डिजेल इन्जिन दिएको छ । हाइब्रिड सिस्टमका कारण यसको पावर १६ एचपी र टर्क ४२ एनएम बृद्धि भई कुल आउटपुट २०१ एचपी र ५०० एनएम पुगेको छ ।

टु ह्विल र फोर ह्विलर दुबै भेरिएन्टमा उपलब्धसो एसयुभीमा ६ स्पिड अटोमेटिक गियर वक्स जडान गरिएको छ । साथै यसमा टोयोटा सेफ्टि सेन्स एडास र ३६० डिग्री क्यामेरा समेत थप गरिएको छ । इन्टेरियरमा सामान्य परिवर्तन गरिएको सो नयाँ भर्सन डुअल टोन कलरमा निकै आकर्षक र स्पोर्टी देखिएको छ ।