सुजुकी फ्रङककै मुल्यमा आयो टोयोटा टेसर, यस्तो छ मूल्य र विशेषता

टोयोटाले आफ्नो सबैभन्दा सानो र सस्तो एसयुभी टेसर लन्च गरेको छ । फ्रन्ट फेसिया अर्बान क्रुजरबाट लिइएको सो नयाँ एसयूभीको साइड प्रोफाइल र लुक्स भने सुजुकी फ्रङकसंग मिल्दोजुल्दो देखिन्छ ।

टोयोटाले उक्त सव–फोर मिटर एसयूभीको सुरुवाती मूल्य ७ लाख ७३ हजार भारु निर्धारण गरेको छ । टेसर १.० टर्बो पेट्रोल र १.२ लिटर पेट्रोल नेचुरल्लि एस्पिरिटेड ईन्जिनका साथ आएको हो ।

सुजुकी फ्रङकको इन्जिन जडान भएर आएको सो कारको मूल्य समेत फ्रङककै हाराहारीमा तय गरिएको हो । सुजुकीले फ्रङकलाई सुरुवाती मूल्य ७ लाख ५० हजार भारुमा बिक्री गर्दै आएको छ भने टप स्पेक भेरिएन्टलाई १३ लाख भारु पर्छ । जवकी टोयोट टेसरको महंगो भेरिएन्टको मूल्य समेत १३ लाख ३ हजार भारुमात्र तोकिएको छ ।

सुजुकी बे्रेजामा टोयोटाको लोगो लागेर आएका यसअघिको अर्बान क्रुजरको मूल्य ब्रेजाको तुलनामा निकै महंगो थियो । एउटै प्लेटफर्मममा बनेको एसयूभी भएपनी मूल्यमा ठूलो अन्तर भएपछि अर्बाना क्रुजरले बजार लिन सकेन भने ब्रेजाले लामो समससम्म यो सेग्मेन्टमा बजारलाई लिड गर्यो । सोही बिषयलाई मध्यनजर गर्दे कम्पनीले टेसरलाई भने फ्रङककै हाराहारीमा मूल्य निर्धारण गरेर ल्याएको हो ।

टोयोटाले सो एसयूभीमा ९ इन्चको इन्फोटेनमेन्ट स्क्रिन, ३६० डिग्री क्यामेरा, ६ वटा एयर ब्याग, इलेक्ट्रोनिक स्ट्याबिलिटी प्रोग्राम, हिल होल्ड एसिस्ट र हेड अप डिस्प्ले जस्ता धेरै फिचर उपलब्ध गराएको छ ।