परिक्षणका क्रममा देखियो फोर्स मोटर्सको नयाँ पिकअप ट्रक

फोर्स मोटर्सले छिट्टै बजारमा ल्याउने तयारी थालेको डबल क्याव पिकअप परिक्षणका क्रममा देखिएको छ । यसै वर्षको अन्त्यमा गोर्खा एसयूभीको ५–डोर लन्च गर्ने तयारी गरिरहेको कम्पनीले सोही एसयुभीमा आधारित नयाँ पिकअप ट्रक समेत ल्याउने तथारी थालेको हो ।

भारतको सडकमा परिक्षण भैरहेको सो नयाँ पिक अपको फ्रन्ट फ्यासियाको डिजाइन गोर्खा थ्री–डोर जस्तै देखिन्छ । यसको बीचमा तेर्सो विभाजनको साथ ट्रापेजोइडल ग्रिल छ । यसमा ५–स्पोक एलोय ह्वील, स्नोर्कल, साइड स्टेप्स, रियर टो हिच र रोल केज पनि रहेको देख्न सकिन्छ ।

सो नयाँ पिकअपमा गोर्खा एसयूभीको जस्तै २.६ लिटर डिजेल इन्जिन प्रयोग गरिएको छ । यसले ९० बीएचपी पावर र २५० एनएम टर्क जेनेरेट गर्छ । यसमा ५ स्पीड म्यानुअल ट्रान्समिसन र अल–ह्विल ड्राइभ सिस्टमा दिइएको छ ।