भारतमा बनेको होन्डा एलिभेट जापानमा निर्यात सुरु, डब्लुआर–भी नामले बिक्री हुने

होन्डाले भारतमा उत्पादन गरेको एसयभुी एलिभेटलाई जापानमा निर्यात गर्न सुरु गरेको छ । जापानमा सो एसयुभी डब्लुआर–भी नामले लन्च भएको हो । कम्पनीका अनुसार होन्डाको इतिहासमा पहिलो पटक होन्डा कार इन्डिया लिमिटेडले भारतबाट जापानमा कार निर्यात थालेको हो ।

गत वर्ष सेप्टेम्बरमा ग्लोबल डेब्यु गरिएको मिडसाइज एसयूभी एलिभेट पहिलो पटक भारतीय बजारमा लन्च गरिएको थियो । एलिभेट १.५ लिटर, ४ सिलिन्डर पेट्रोल इन्जिनमा उपलब्ध छ । उक्त इन्जिनले ११९ बीएचपी र १४५ एनएम टर्क जेनेरेट गर्छ । यो एसयूभी ६ स्पिड म्यानुल र ७ स्पिड सिभिटी ट्रान्समिसनको बिकल्पमा उपलब्ध छ । कार निर्माता कम्पनीले पछिल्लो ६ महिनामा ३० हजारभन्दा बढी एलिभेट बिक्री गरिसकेको छ ।

जापान बाहेक होन्डाले नेपाल, भुटान र दक्षिण अफ्रिका लगायत देशमा दायाँ–हात–ड्राइभ तथा टर्की, मेक्सिको र मध्य पूर्वमा बायाँ–हात–ड्राइभ मोडल निर्यात गर्दै आएको छ ।