महिन्द्राले थार एसयूभी इलेक्ट्रिक भर्सनमा ल्याउँदै

महिन्द्राको थार गाडीको ठूलो क्रेज छ । महिन्द्राले अब थारको इलेक्ट्रिक भर्सन पनि ल्याउने भएको छ । कम्पनीले फ्युचरस्केप इभेन्टमा ग्लोबल पिकअप र थार.ई कन्सेप्ट प्रस्तुत गरेको छ । सो इलेक्ट्रिक अफरोड एसयूभी आगामी दुई वर्ष भित्र लन्च गर्ने अपेक्षा गरिएको छ ।

महिन्द्राको नयाँ इलेक्ट्रिक थार ५ डोरको हुनेछ र हालको थारभन्दा लामो ह्विलबेस हुने अपेक्षा गरिएको छ । महिन्द्राले सो थार आफ्नो नयाँ प्लेटफर्म ईङग्लो पी१ मा निर्माण गरिने छ । यसको डिजाइनमा स्क्वायर आकारको एलईडी डेटाइम रनिङ लाइटका साथै महिन्द्राको लोगो यसको पछाडिको ढोकामा पनि उपलब्ध हुनेछ । यसमा ट्रिपल होरिजन्टल एलईडी लाइट स्लेट पनि समावेश हुनेछ ।

यसमा फ्ल्यागशिप ह्विल आर्च र अलोय ह्विल पनि हुनेछ । क्याबिनमा टु–स्पोक स्टेयरिङ ह्विल, कनेक्टिभिटी विकल्पसहितको ठूलो टचस्क्रिन इन्फोटेनमेन्ट सिस्टम, अल–डिजिटल इन्स्ट्रयुमेन्ट कन्सोल आदि जस्ता फिचर हुनेछ ।

नयाँ इलेक्ट्रिक थारमा राउण्ड हेडल्याम्प, सेभेन स्लट ग्रिल, पछाडिको ढोकामा स्पेयर ह्विल र बक्सी डिजाइनको हुनेछ । सो एसयूभीको अगाडि र पछाडि स्टिल बम्परको साथमा आउनेछ, जहाँ स्किड प्लेट इन्टिग्रेटड देखिनेछ ।

नयाँ इलेक्ट्रिक थारमा ठूलो ब्याट्री प्याक र ट्विन इलेक्ट्रिक मोटर जडान गरिने छ । कम्पनीले सो एसयूभीलाई फोर ह्विल ड्राइभ सिस्टम बनाउनका लागि सबै एक्सेलमा मोटर जडान गर्नेछ ।

महिन्द्राले इलेक्ट्रिक थारको रेन्जको बारेमा खुलासा गरेको छैन । तर रिपोर्टका अनुसार यसले सिंगल चार्जमा ४०० किलोमिटर भन्दा बढी रेन्ज दिने विश्वास गरिएको छ । सो एसयूभी अक्टुबर २०२६ मा भारतमा लन्च हुने अनुमान गरिएको छ ।