भीनफास्टले भारतमा इलेक्ट्रिक स्कुटर पनि उत्पादन गर्ने

भीनफास्टले भारतमा इलेक्ट्रिक स्कुटर पनि उत्पादन गर्ने भएको छ । ‘क्लारा एस’ नामक ई–स्कुटरको पेटेन्ट दर्ता गरेर कम्पनीले यसबारे छनक दिएको हो ।

कम्पनीले दर्ता गरेको पेटेन्ट डिजाइन अनुसार नयाँ स्कुटर बजाज चेतक जस्तै आधुनिक तर परम्परागत देखिएको छ । यसमा गोलाकार एलईडी हेडल्याम्प र अगाडिको एप्रोनमा एलईडी टर्न इन्डिकेटरहरू दिइएको छ ।

स्कुटरमा ३ किलोवाट क्षमताको हब मोटर र ३.५ किलोवाट आवरको ब्याट्री प्याक उपलब्ध हुनेछ । ७८ किलोमिट प्रतिघण्टाको टप स्पिडमा हाँक्न सकिने स्कुटरलाई ३० किलोमिटर प्रतिघण्टाको गतिमा चलाउँदा १९४ किलोमिटर रेन्ज दिने दावी गरिउको छ ।

स्कुटरको अगाडी टेलिस्कोपिक फोर्क र १४ इन्चको एलोय ह्वील तथा दुबै चक्कामा डिस्क ब्रेक जडान हुनेछ ।