१ महिनामै क्रेटा फेसलिफ्टले पायो ५१ हजार बुकिङ, सेल्टोसको ७ महिनामा १ लाख बढी

कोरियन अटो निर्माता हुन्डाई र कियाले भारतमा उत्पादन गरेको एसयुभी क्रेटा र सेल्टोस सर्बाधिक सफल मोडल बनेका छन् । यी दुबै एसयूभीको फेसलिफ्ट अहिले भारतमा लोकप्रिय बनेका हुन् ।

सेल्टोस फेसलिफ्ट लन्च भएको ७ महिना अबधीमा कियाले १ लाख बढी बुकिङ पाएको छ भने क्रेटा फेसलिफ्टले लन्च भएको एक महिनामै ५१ हजार यूनिट बुकिङ पाएको हो । यी दुबै एसयूभीमा १.५ लिटर इन्जिन जडान गरिएको छ । इन्जिन पेट्रोल, डिजेल र टर्बो पेट्रोल विकल्पमा उपलब्ध छ ।

यसअघि नेपाली बजारमा समेत लोकप्रिय बनेका क्रेटा र सेल्टोस अहिले भने ईभी क्रेजका कारण ओझेलमा परेका छन् । जसका कारण सेल्टोस फेसलिफ्ट भारतमा लन्च भएको ७ महिना वित्दा समेत नेपाल आउन सकेको छैन भने क्रेटा फेसलिफ्टलाई पनि आधिकारिक वितरक लक्ष्मी इन्टरकन्टिनेन्टलले तत्कालै ल्याइहाल्ने अबस्था देखिएको छैन ।

फेसलिफ्ट मोडलमा आएपछि यी एसयूभी पहिलेको भन्दा आकर्षक, फिचर लोडेड र सुरक्षित बनेका छन् । कम्पनीले यी दुबै एसयुभीमा एडास फिचर समेत दिएको छ ।