ईभीको पर्फमेन्स र रेन्ज बढाउन हुन्डाईले ल्यायो ‘एक्टिभ एयर स्कर्ट’ प्रविधि

हुन्डाई मोटर समूहले आफ्नो विद्युतीय सवारीका लागि नयाँ ‘एक्टिभ एयर स्कर्ट टेक्नोलोजी’ (एएएस) सार्वजनिक गरेको छ । यो नयाँ प्रविधिले ईभीको पर्फमेन्स र रेन्ज बढाउन मद्धत गर्ने कम्पनीले दाबी गरेको छ ।

रिपोर्टका अनुसार यो नयाँ प्रबिधीले ह्विलबाट हुने समस्यालाई कम गर्न टायरहरूको अगाडि हावा स्कर्टहरू तैनाथ गर्दछ । कम्पनीले यसलाई जेनेसिस जीभी ६० ईभीमा परिक्षण समेत गरिसकेको छ । ८० किलोमिटर प्रतिघन्टा भन्दा बढिमा एयर स्कर्टहरू सक्रिय हुने र ७० किलोमिटर प्रतिघन्टामा स्वत कम हुने कम्पनीको भनाई छ ।

परीक्षणको नतिजा अनुसार एएएस प्रविधिले कारको ड्र्याग कोफिसियन्ट (सीडी) लाई ०.००८ ले घटाउन मद्दत गरेको थियो । यसबाहेक, प्रविधिले २०० किलोमिटर प्रतिघन्टा माथिको गतिमा डाउनफोर्स बढाउन मद्दत गर्छ ।

हुन्डाई मोटर ग्रुपको मोबिलिटी बडी डेभलपमेन्ट ग्रुपका उपाध्यक्ष र प्रमुख सन ह्युङ चोले भने, ‘यो प्रविधिले एसयूभी जस्ता मोडेलहरूमा अझ बढी प्रभाव पार्ने अपेक्षा गरिएको छ ।’

यो प्रविधि अझै विकासको चरणमा रहेको र कम्पनीले दक्षिण कोरिया र संयुक्त राज्य अमेरिकामा पेटेन्टको लागि आवेदन गरिसकेको छ । कम्पनीले स्थायित्व र कार्यसम्पादन परीक्षण पछि उत्पादनलाई तिब्रता दिने योजना बनाएको छ।