लन्च हुनुअघि नै सार्वजनिक भयो महिन्द्राको नयाँ इलेक्ट्रिक एसयूभी

महिन्द्राले आगामी दिनमा बजारमा ल्याउने इलेक्ट्रिक कार एक्सयूभी डट ई८ को परीक्षण प्रोटोटाइप सामाजिक सञ्जालमा देखिएको छ । महिन्द्राको सो इलेक्ट्रिक एसयूभी एक्सयूभी७०० मा आधारित इलेक्ट्रिक भर्सन हो । सो एसयूभी एक्सयूभी७०० को बडी जस्तो देखिए पनि यसमा केही परिवर्तन गरिनेछ ।

महिन्द्राको नयाँ एसयूभीमा नयाँ डिजाइन गरिएका अलोय ह्विल र बम्परको डिजाइन पनि पूर्ण रूपमा परिवर्तन भएको देखिन्छ । यसमा नयाँ एयर ड्याम र हेडल्याम्पको लागि भर्टिकल स्टेक्ड होल पनि देखिएको छ ।

महिन्द्राको सो एसयूभी इनोभेटिभ आईएनजीएलओ प्लेटफर्ममा निर्मित पहिलो इलेक्ट्रिक कार हुनेछ । सो प्लेटफर्म ४.३ मिटरदेखि ५ मिटरसम्मका सवारी साधनको लागि आधारको रूपमा काम गर्न सक्छ ।

सो एसयूभीको लम्बाइ ४७४० एमएम, चौडाइ १९०० एमएम, उचाइ १७६० एमएम र ह्विलबेस २७६२ एमएम हुने अपेक्षा गरिएको छ ।

सो एसयूभीको लन्चिङ मिति आधिकारिक रूपमा स्पष्ट गरिएको छैन । रिपोर्टका अनुसार महिन्द्राको सो नयाँ एसयूभी यही वर्ष लन्च हुने अपेक्षा गरिएको छ । यसमा दुई प्रकारका ब्याट्री प्याक ब्लेड र प्रिज्म्याटिक ब्याट्री उपलब्ध गराउने सम्भावना छ ।

यसको क्षमता ६० देखि ८० किलोवाटको बीचमा हुनेछ र १७५ किलोवाटको फास्ट चार्जिङ क्षमता हुनेछ । यसको ब्याट्रीलाई फास्ट चार्जिङबाट ३० मिनेटभन्दा कममा ८० प्रतिशतसम्म चार्ज गर्न सकिन्छ ।