२०२४ मा विश्वभर ८ करोड ८३ लाख नयाँ कार बिक्री हुने

नेपाली बजारमा धेरै नयाँ कार बिक्री नभइरहेको अवस्था भए पनि विश्व बजारमा सन् २०२४ मा कार बिक्री बढ्ने अनुमान गरिएको छ । एस एन्ड पी ग्लोबल मोबिलिटीको अनुमान अनुसार आगामी वर्ष विश्वभर ८ करोड ८३ लाख कार बिक्री हुनेछ । यो वर्ष ८ करोड ६० लाख कार बिक्री हुने सम्भावना छ ।

यो वर्ष अर्थात सन् २०२३ मा विश्वभर बिक्री हुने कारको संख्या गत वर्ष भन्दा ८.८ प्रतिशत बढी हुनेट । आगामी वर्ष पनि विश्वमा धेरै कार बिक्री हुने बजारमा चीन, अमेरिका र युरोप नै अगाडि हुनेछन् । यसका साथै भारत पनि यसमा सामेल छ ।

चीनमा अन्तर्राष्ट्रियका साथै घरेलु ब्रान्ड समेत सवारी साधन उत्पादन हुने गरेका छन् । ईभीका लागि त यो संसारकै अग्रणी मानिन्छ । यसै अनुसार अमेरिका र युरोपमा पनि आगामी वर्ष सवारी साधनको बिक्री बढ्ने अनुमान गरिएको छ ।