यातायात कार्यालय पोखरामा दर्ता हुने सबै गाडीमा आजदेखी ‘इम्बोस्ड नम्बर प्लेट’ अनिवार्य

काठमाडौं– पोखरास्थित यातायात व्यवस्था कार्यालयले आइतबारदेखि दर्ता हुने सबै प्रकारका सवारीसाधनमा अनिवार्यरूपमा ‘इम्बोस्ड नम्बर प्लेट ’ जडान गर्नुपर्ने प्रावधान लागू गरेको छ ।

इम्बोस्ड नम्बर प्लेट’ जडान गरेपछि मात्र सेवाग्राहीलाई आधिकारिक कागजात उपलब्ध गराइने कार्यालयले जनाएको छ ।यातायात व्यवस्था विभागको परिपत्र र कार्यालयको निर्णयानुसार नयाँ दर्ता हुने सवारीसाधनमा ‘इम्बोस्ड नम्बर प्लेट’ जडानलाई अनिवार्य गरिएको हो ।

पोखरामा इम्बोस्ड नम्बर प्लेट जडान पहिलेदेखि नै सुरु भएपनि प्रभवाकारी हुन सकेको थिएन । तर अबदेखि नयाँ सवारीसाधनमा अनिवार्य र पुराना सवारीसाधनमा पनि नियमितरूपमा इम्बोस्ड नम्बर प्लेट जडान गरिँदै जाने कार्यलय स्रोतको भनाई छ ।

कार्यालयले सेवाग्राही र अटो व्यवसायीमा अनिवार्यरूपमा ‘इम्बोस्ड नम्बर’ जडानका लागि सूचितसमेत गरेको छ ।