लुयान एस–७० प्रोमा २ दिनका लागी ३० हजार नगद छुटको योजना

काठमाडौं– लुयानले नेपाल ल्याएको नयाँ इलेक्ट्रिक स्कुटर एस–७० प्रोमा ग्राहकले २ दिनका लागि विशेष छुट पाउने भएका छन् । नेपालका लागी आधिकारिक वितरक जेरो एमिसन राइड एनले भोली अर्थात नोभेम्वर २३ (थ्यांक्स गिभिङ डे) र पर्सी(ब्ल्याक फ्राइडे) को अवसरमा ३० हजार नगद छुट दिने योजना ल्याएको हो ।

लुयानको गैह्रीधारास्थित शोरुमबाट एस–७० प्रो खरिद गर्दा नगद छुटको साथै १ वर्षको रोड ट्याक्स र आकर्षक हेल्मेट समेत प्राप्त गर्न सकिने कम्पनीले जनाएको छ । अन्तराष्ट्रिय प्रचलनलाई अनुसरण गर्दै कम्पनीले यी दुई दिनमा बिशेष छुट दिने योजना ल्याएको हो । स्कुटरको मूल्य १ लाख ९८ हजार ९०० रुपैयाँ निर्धारण गरिएको छ ।

कम्पनीले हालसालै नेपाल ल्याएको सो नयाँ स्कुटरमा २.२ किलोवाटको लिक्वड कुल्ड हव मोटर दिएको छ । साथै यसमा ९६ भोल्ट २३ एम्पियरको ग्राफिन ब्याट्री पाउन सकिन्छ । सो ब्याट्रीलाई एकपटक फुल चार्ज गर्दा ७० देखी ८० किलोमिटरसम्म रेन्ज पाउन सकिने दावी गरिएको छ । स्कुटरको चार्ज साइकल ८०० रहेको छ ।

लुयान एस–७० प्रोको दुवै चक्कामा डिस्क ब्रेक जडान गरिएको छ भने यसमा डिआरएल सहितको प्रोजेक्टर हेडलाइट, एलइडी डिस्प्ले, एनएफसी सेन्सर किलेस इन्ट्री र एन्टि थेप्ट सिस्टम लगायत फिचर पाउन सकिन्छ । यसको ग्राउन्ड क्लिरियन्स १३५ एमएम र ह्विलवेश १३०० एमएम रहेको छ ।