आइशर पर्फमर च्याम्पियनको उपाधी नेपाललाई

काठमाडौं– कमर्सियल भेइकल उत्पादक आइसरले हरेक वर्ष मनाउने ‘पर्फमर अफ द इयर’ मा नेपाल च्याम्पियन बनेको छ । नेपाल सहित ३० देशले सहभागीता जनाएको सो प्रतियोगितामा नेपालका लागि आधिकारिक बिक्रेता बतास एमएडब्लुका प्रडक्ट हेड ठाकुर कुमार गाह फस्र्ट रनर अप र अफिसर अशोक थापा स्टार पर्फमर बनेका हुन् ।

उत्कृष्ट प्रदर्शन र आइशरको मूल्यवान ग्राहकहरूको आवश्यकतालाई सम्बोधन गर्ने प्रतिबद्धताले उनीहरुलाई आइशर प्रोफर्मरको च्याम्पियन बनाइएको कम्पनीले जनाएको छ ।

व्यावसायिक साझेदारहरूको प्राविधिक क्षमता अभिवृद्धि गर्ने उद्देश्यले आइशरले यो कार्यक्रम आफ्नो विशेष पहलमा सन् २०१४ मा सुरूवात गरेको हो । सुरुवातदेखि नै यसले व्यक्तिगत क्षमताको मुल्यांकन गर्दै बिक्री, उत्पादन ज्ञान बजार रणनीतिहरूको मुल्यांकन गर्दै आएको छ र व्यवसायिकरणको नीतिमा पनि यो प्रतियोगिता उत्साहको उत्प्रेरक बनेको छ ।

कठिन चरणहरू समावेश गरिएको सो प्रतियोगितामा अनलाइन परीक्षण, व्यक्तिगत साक्षात्कार, उत्पादन प्रदर्शन र केस स्टडीहरू समावेश गरिएका थिए । यसको अन्तिम समापन कार्यक्रम नेपालमा आयोजना गरिएको थियो । प्रतियोगितामा विभिन्न देशका २०० सहभागीहरूले आफ्नो असाधारण कौशल, समर्पण र ज्ञान प्रदर्शन गरेका थिए ।