एक महिनामै मारुती सुुजुकीले बेच्यो २ लाख युनिट कार, एसयुभीमा ९० प्रतिशतले बृद्धि

मारुती सुजुकीले अक्टोबरमा हालसम्मकै धेरै कार बिक्री गरेको छ । गत महिना कम्पनीले भारतीय बजार र अन्तारष्ट्रिय बजारमा निर्यात गरी कुल १ लाख ९९ हजार २१७ युटिन कार बिक्री गरेको हो । जुन अघिल्लो वर्षको सोही महिनामा बिक्री भएको १ लाख ६७ हजार ५२० युनिटको तुलनामा १८.९२ प्रतिशतले बढी हो ।

भारतको सबैभन्दा ठूलो कार उत्पादक मारुती सुजुकीले अक्टोवरमा अल्टो र एसप्रेसो गरी कुल १४ हजार ५६८ युनिट मिनी कार बिक्री गरेको छ । जुन अघिल्लो वर्षको सोही अबधीमा बिक्री भएको २४ हजार ९३६ युनिटको तुलनामा ४१.५७ प्रतिशतले कम हो । एसयूभी सेग्मेन्टको माग बढेका कारण पछिल्लो समय भारतमा मिनी सेग्मेन्टको बिक्री कम हुँदै गएको छ । जसको सिधा असर मारुती सुजुकीलाई पनि परेको हो ।

यसैगरी, सबैभन्दा धेरै कम्प्याक्ट सेग्मेन्टका कार बलेनो, सेलेरियो, डिजायर, इग्निस, स्विफ्ट र वागन–आर लगायत मोडल बिक्री भएको छ । यी गाडी कुल ८० हजार ६६२ युनिट बिक्री भएको हो । जुन अघिल्लो वर्षको सोही अबधीमा बिक्री भएको ७३ हजार ६८५ युनिटको तुलनामा १०.८२ प्रतिशतले बढी हो ।

सुजुकीको बिक्रीमा सबैभन्दा बढी बृद्धिदर एसयूभी सेग्मेन्टमा देखिएको छ । यो सेग्मेन्टमा उपलब्ध ब्रेजा, इर्टिगा, फ्रङ्क्स, एक्सएल६, ग्रान्ड भिटारा, जिम्नी र इन्भिक्टो गरी कुल ५९ हजार १४७ युनिट बिक्री भएका हुन् । जुन अघिल्लो बर्षको सोही महिनामा बिक्री भएको ३० हजार ९७१ यूनिटको तुलनामा ९०.९७ प्रतिशतले बढी हो ।