चितवनमा महिन्द्राको नयाँ ‘ट्विन पिक’ शोरुम

चितवन– महिन्द्रा गाडीको नेपालका लागी आधिकारिक बिक्रेता अग्न्नी इन्कर्पोरेटेडले चितवनमा नयाँ ‘ट्विन पिक’ शोरुम संचालनमा ल्याएको छ । कम्पनीले बिहीबार चितवनको पार्स चोकमा महिन्द्राको गाडीहरु बिक्री गर्न अन्तराष्ट्रिय स्तरको सो नयाँ शोरुम संचालनमा ल्याएको हो ।

शोरुमको उद्घाटन महिन्द्रा एण्ड महिन्द्राका इन्टरनेश्नल अपरेसन प्रमुख सचिन आरोलकर, महिन्द्रा एण्ड महिन्द्राका उपाध्यक्ष (अन्तर्राष्ट्रिय अपरेसन) जोयदीप मोइत्रा, कन्ट्री हेड चैतन्य कगलकर र अग्नि इन्कर्पोरेटेडका डेपुटी सेल्स डाइरेक्टर बरदान बस्नेतले संयुक्त रुपमा गरेका हुन् ।

नयाँ शोरुमबाट महिन्द्रा स्कर्पियो एनसहित अन्य गाडीको बिक्री सुरु भएको छ । शोरुममा महिन्द्राको लागि आवश्यक पर्ने स्पेयर पार्ट्स उपलब्ध रहेको कम्पनीले जनाएको छ।