उपभोक्तालाई कम तेल दिने काठमाडौंका यी ४ पेट्रोल पम्पमा सिल

काठमाडौं– उपभोक्तालाई कम तेल दिएर ठग्ने ४ वटा पेट्रोल पम्पमा सरकारी अनुगमन टोलीले सिल गरेको छ । उपभोक्तालाई कम तेल दिएर ठग्ने काठमाडौंको शान्तिनगरस्थित हरिसिद्धि पेट्रोल पम्प, हल्चोकस्थित सशस्त्र प्रहरीको पेट्रोल पम्प, कलंकीस्थित श्यामा पेट्रोल पम्प र तीनकुनेस्थित बाबा भ्याली पेट्रोल पम्पमा अनुगमन टोलीले सिल गरेको हो ।

उपभोक्तालाई निर्धारित परिमाणभन्दा कम इन्धन बिक्री गरेको भेटिएपछि अनुगमन टोलीले गत बिहीबार हरिसिद्धि पेट्रोल पम्पमा सिल गरेको छ । अनुगमन टोलीले गत बुधबार सशस्त्र प्रहरीको पेट्रोल पम्प र श्यामा पेट्रोल पम्पमा सिल गरेको थियो । त्यस्तै टोलीले मंगलबार साँझ बाबा भ्याली पेट्रोल पम्पमा पनि सिल गरेको थियो ।

प्रधानमन्त्रीको सचिवालय तथा प्रधानमन्त्री कार्यालय, नेपाल आयल निगम, गुणस्तर तथा नापतौल विभाग, राष्ट्रिय सतर्कता केन्द्र, वाणिज्य, आपूर्ति तथा उपभोक्ता संरक्षण विभाग प्रतिनिधि सम्मिलित टोलीले अहिले पेट्रोल पम्पहरुको अनुगमन गरिरहेको छ ।