पिट्स्टपको दोस्रो आउटलेट जडिबुटीमा, दशैं स्किममा २५ प्रतिशतसम्म छुट

काठमाडौं– पिट्स्टपको दोस्रो शोरुम जडिबुटीमा खुलेको छ । कलाकार दिपाश्री निरौलाले मंगलबार उद्घाटन गरेसंगै संचालनमा आएको सो नयाँ शोरुमबाट त्यस आसपास क्षेत्रका ग्राहकलाई सुविधा पुग्ने बिश्वास लिइएको छ ।

मुलतः टायर सम्वन्धी सम्पूर्ण सेवा एकै छानामुनी उपलब्ध गराउने उद्देश्य सहित संचालनमा आएको सो शोरुममा लुब्रिकेन्ट्स, ब्याट्री र कार केयर प्रोडक्टहरु समेत उपलब्ध हुने कम्पनीले जनाएको छ । गुणस्तरिय उत्पादनलाई सुलभ मूल्यमा बिक्री गर्ने उद्देश्य अनुरुप शोरुम संचालनमा ल्याइएको हो ।

नयाँ आउटलेट संचालनमा आएको र नेपालीहरुको महान चाड दशैंको अवसर पारेर कम्पनीले टायर, ब्याट्री, लुब्रिकेन्ट्स र कार केयर प्रोडक्टको खरिदमा २५ प्रतिशतसम्म र सर्भिसमा ५० प्रतिशतसम्म छुट दिने जनाएको छ ।

एकै छानामुनी विभिन्न ब्रान्डका टायर, लुब्रिकेन्ट्स, ब्याट्री र कार केयर प्रोडक्ट उपलब्ध हुने कारण पछिल्लो समय पिट्स्टपमा ग्राहकको आकर्षण बढ्न थालेको छ ।