यस्तो छ टीभीएसले ल्याउन लागेको नयाँ इलेक्ट्रिक स्कुटर, अर्को हप्ता लन्च हुने

टीभीएसले २३ अगष्टमा नयाँ इलेक्ट्रिक स्कुटर लन्च गर्ने भएको छ । यूएईको वुर्ज खलिफा टावरबाट सार्वजनिक हुन लागेको सो स्कुटरको टिजरलाई कम्पनीले सार्वजनिक गर्न थालेको छ । टिजरमा देखाइए अनुसार नयाँ स्कुटर कम्पनीको प्रिमियम इलेक्ट्रिक स्कुटर सिरोन कन्सेप्टमा आधारित हुने पक्कापक्की जस्तै भएको छ ।

टिभीएसले ५ वर्षअघि सिरोन कन्सेप्टलाई देखाएको थियो । सो कन्सेप्टमा आधारीत भएर कम्पनीले विभिन्न मोडलका प्रिमियम स्कुटर ल्याउने घोषणा गरेका कारण पनि नयाँ स्कुटर सिरोन कन्सेप्टको एक हिस्सा वन्न लागेको आँकलन गरिएको हो । सो आँकलनलाई पुष्टि गर्ने गरी यसको लुक्स र डिजाइनमा केही समानता देखिएको छ ।

टिजरमा देखाइए अनसार सो नयाँ स्कुटरको हेडल्याम्प र फ्रन्ट फेन्डर सिरोन कन्सेप्टसंग मिल्दो छ । साथै सो नयाँ स्कुटरको लुक्स एकदमै स्पोर्टी र मोर्डन देखिएको छ । नयाँ स्ुकटरमा उपलब्ध हुने फिचर र पावरट्रेन एवं पर्फमेन्सका वारेमा विस्तृत जानकारी वाहिर नआएपनि सो स्कुटरमा १२ किलोवाटको मोटर जडान हुने आँकलन गरिएको छ ।

टीभीएसले हाल आईक्यूव नाममा इलेक्ट्रिक स्कुटर उत्पादन गरी बिक्री गर्दै आएको छ । यो स्कुटर हाल नेपाली बजारमा समेत उपलब्ध रहेको छ । नयाँ स्कुटर लन्च भएपछि यसले पनि नेपाली बजारमा प्रवेश पाउने अनुमान गर्न सकिन्छ ।