हिरोले वन्द गर्यो प्यासन प्रोको उत्पादन

हिरो मोटोकर्पले आफ्नो कम्यूटर वाइक प्यासन प्रोको उत्पादन वन्द गरेको छ । कम्पनीले आफ्नो वेभ साइटबाट सो वाइकको नाम हटाएसंगै उत्पादन बन्द भएको निश्चित भएको हो । प्यासन नाममा प्रो, प्लस र एक्सटेक भेरिएन्ट उत्पादन गर्दै आएको हिरोले वाँकी दुई भेरिएन्टको उत्पादनलाई भने रिन्तरता दिने जनाएको छ ।

११३ सिसी क्षमताको इन्जिन जडित प्यासन प्रो ड्रम र डिस्क भेरिएन्टमा उपलब्ध रहँदै आएको थियो । सो मोटरसाइकलको पावर ९.०२ वीएचपी र टर्क ९.८९ एनएम रहेको छ । यसको प्रिमियम भर्सन एक्सटेक आएपछि प्रोलाई बजार लिन निकै कठिन भइरहेको थियो ।

जसका कारण हिरोल सो पुरानो मोडललाई बन्द गर्ने निर्णय लिएको अनुमान गरिएको छ । यसैगरी प्यासन प्लसलाई कम्पनीले ९७ सिसीमा उतारे इन्ट्रि लेभलमा राम्रो उपस्थिती जनाउँदै आएको छ ।

प्यासन प्रो नेपाली बजारमा समेत बिक्री हुँदै आएपनि पछि बजारमा यसको माग कम भएपछि आधिकारिक वितरक नेपाल जनरल मार्केटिङ प्रालिले यसलाई आयत गर्न छाडेको थियो ।