रेनोको देशव्यापी निःशुल्क सर्भिस क्याम्प, यस्ता छन् छुट र सुविधा

रेनो गाडीको नेपालका लागि आधिकारिक वितरक एड्भान्स अटोमोवाइलले देशव्यापी निःशुल्क सर्भिक क्याम्प शुरु गरेको छ । विर्तामोडमा मंगलवारदेखी शुरु भएको सो क्याम्प देशका विभिन्न रेनो सर्भिस सेन्टर हुँदै भदौ १७ र १८ गते धनगढीमा अयोजना भई सम्पन्न हुने कम्पनीले जनाएको छ ।

सो सर्भिस क्याम्पमा ग्राहकले लेवर चार्ज, भेइकल चेकअप एवं टप वास, २०० ग्रामसम्म एसी ग्यास र कुलान्ट टपअपमा निशूल्क सेवा पाउनेछन् । यसैगरी स्पेयर पार्ट्स र एसेसोरिजमा १० देखी ३० प्रतिशतसम्म छुट र लुव्रिकेन्ट्समा १० प्रतिशत छुटको व्यवस्था मिलाइएको कम्पनीले जनाएको छ ।

रेनोको हाल नेपालमा काठमाडौं सहित विर्तामोड, विराटनगर, लाहान, जनकपुर, विरगंज, नारायणघाट, वुटवल, भैरहवा, पोखरा, दाङ, नेपालगन्ज, सूर्खेत र धनगढीमा सेल्स, सर्भिस र स्पेयर पार्ट्स सहितको नेटवर्क संचालनमा रहेको छ । यी सवै स्थानमा निशूल्क सर्भिस क्याम्प शुरु भएको हो ।