हेलो किया पिकान्टो २०२४, लुक र फिचरमा परिमार्जन सहित सार्वजनिक

किया पिकान्टो नयाँ भर्सनमा सार्वजनिक भएको छ । कोरियामा सार्वजनिक गरिएको पिकान्टोलाई त्यहाँ ‘मर्निङ’ नाम दिइएको छ ।

२०२४ मोडलका लागि सार्वजनिक गरिएको किया पिकान्टोको एक्सटेरियर र इन्टेरियरमा समेत अपडेट र अपग्रेड गरिएको छ भने ड्राइभर असिस्ट टेक्नोलोजी लगायत विभिन्न फिचर थप भएका छन् ।

किया पिकान्टो वाहिरबाट हेर्दा हालै कियाले सार्वजनिक गरेको इलेक्ट्रिक क्रसओभर ईभी९ बाट प्रेरित छ । यसको पुरै फ्रन्ट इन्ड र फेन्डरलाई अर्कै आकार दिएर भर्टिकल हेडलाइट सहित उपलब्ध गराइएको छ । फ्रन्ट बम्पर पनि स्मुथ र अझै स्ट्रिमलाइन गरिएको छ भने नयाँ लाइट एरेन्जमेन्ट प्रदान गरिएको छ । यो पहिले भन्दा निकै नै एग्रेसिभ लुकमा उपलब्ध छ ।

यसको ह्विल डिजाइन समेत परिवर्तन गरिएको छ । त्यसैगरी ब्याकमा अझै एङगुलर बम्पर र लाइट बार छ, जुन टेल लाइटलाई कनेक्ट गर्न टेलगेट सम्मै पुगेको छ ।

इन्टेरियरमा ड्यासबोर्ड डिजाइन पहिलेकै जस्तो छ । तर यसको सेन्टरमा नयाँ लेआउट छ । यसमा थप फङसन सहितको अलि अग्लो फ्लोटिङ टचस्क्रिन छ । सिट पनि नयाँ खालका छन् ।

यसमा एड्भान्स ड्राइभर असिस्ट सिस्टमका साथै नेभिगेसन सिस्टममा आधारित एडेप्टिभ क्रुज कन्ट्रोल, अटोनोमस इमर्जेन्सी ब्रेकिङ, साइक्लिस्ट तथा पेडेस्ट्रियन डिटेक्सन र हाई बिम असिस्ट जस्ता फिचर छन् । घाममा पार्क गरेको समयमा यसको क्याबिनलाई कुल डाउन गर्नका लागि रिमोट स्टार्ट सिस्टम समेत छ ।

नयाँ मोडलको किया पिकान्टोमा १.० लिटरको थ्री–सिलिन्डर इन्जिन छ, जसले ६८ एचपी पावर र ९५ एनएम टर्क जेनेरेट गर्छ । फोर स्पिड अटोमोटिक ट्रान्समिसन अप्सन रहेको किया पिकान्टो अन्य देशमा सार्वजनिक हुन भने समय लाग्ने छ ।