आज देखि टाटा मोटर्स एक्सचेन्ज विक–एन्ड, कुनै पनि गाडीसँग टाटा मोटर्सको ईभी साट्न सकिने

काठमाडौं – टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले ५ दिने टाटा मोटर्स ‘एक्सचेन्ज विक–एन्ड’ विशेष क्याम्प संचालन गरेको छ । आज देखि शुरु हुने सो क्याम्प आगामी असार १२ सम्म चल्ने छ ।

नेपालभरिका आधिकारिक टाटा मोटर्स शोरुमहरूमा हुने सो एक्सचेन्ज क्याम्पमा ग्राहकले आफूसँग भएको जुनसुकै कम्पनी वा ब्राण्डको गाडीसँग टाटा मोटर्सका नयाँ मोडेलका नेक्सन ईभी र टिगोर ईभी साट्न सक्ने छन् ।

उक्त व्यवस्थालाई अझ सहज बनाउने उद्देश्यले शोरुममा बीमा सुविधा, बैंकिङ सुविधाका साथै गाडी मूल्यांकन गर्न विभिन्न दक्ष मूल्यांकनकर्ताहरू पनि सहभागी हुने बताइएको छ। 

चलिरहेको बजारको मूल्य भन्दा गाडीको विशेष मूल्यांकन, सरल फाइनान्सको सुविधा, बीमाको सुविधा साथै हरेक गाडी हस्तान्तरणमा विभिन्न अफरहरु पनि पाइने कम्पनीले जनाएको  छ ।