हाईब्रिड पावरट्रेनमा आयो रेनोे राफेल, इलेक्ट्रिक रेन्ज ४८ देखी ६४ किलोमिटर सम्म

फ्रेन्च अटो निर्माता रेनोले नयाँ फ्ल्यागसिप एसयूभी राफेल सार्वजनिक गरेको छ । पेरिस एयर सोमा सार्वजनिक गरिएको सो एसयूभीमा मल्टिपल हाइब्रिड पावरट्रेन दिइएको छ । सीएमएफ–सीडी प्लेटफर्ममा तयार भएको राफेल कुपे डिजाइनमा निकै आकर्षक देखिएको छ ।

दुई भेरिएन्टमा उपलब्ध हुने राफेलको एउटा भेरिएन्टमा १९४ एचपी पावरको क्लचलेस हाइब्रिड पावरट्रेन दिएको छ । फ्रन्ट ह्विल ड्राइभ दिइएको सो एसयूभीमा १.२ लिटरको थ्री सिलिन्डर इन्जिन र दुई ओटा इलेक्ट्रिक मोटर जडान गरिएको छ । अर्को भेरिएन्टमा २९४ एचपी पावरको फोर ह्विल ड्राइभ अप्सन पाउन सकिने कम्पनीले जनाएको छ ।

यूरेपेली बजारलाई लक्षित गरी सार्वजनिक गरिएको राफेलको इलेक्ट्रिक रेन्ज ४८ देखी ६४ किलोमिटरसम्म रहने दावी गरिएको छ ।