किया मनसुन सर्भिस क्याम्पको आज अन्तिम दिन, यस्ता छन् छुट र सुविधा

काठमाडौं– किया गाडीको आधिकारिक वितरक कन्टिनेन्टल ट्रेडिङले आयोजना गरेको मनसुन सर्भिस क्याम्प आज सकिँदैछ । सोमवारदेखी देशभर संचालन गरिएको सो क्याम्पमा गाडीको सर्भिसीङ गराउँदा कम्पनीले ग्राहकलाई विभिन्न छुट र सुविधा दिएको छ ।

सर्भिस क्याम्पमा स्पेयर पार्ट्स र लुव्रिकेन्ट्समा १० प्रतिशत छुट दिइएको छ भने गाडीको मल्टि प्वाइन्ट चेकअप तथा डाइग्नोसिस, क्विक सर्भिसिङ र लेवर चार्ज निशुल्क गरिएको छ । मनसुन सुरु भएको अवसर पारेर कियाका ग्राहकलाई अतिरिक्त सुविधा दिन क्याम्प आयोजना गरिएको कम्पनीले जनाएको छ ।

कोरियन अटो व्रान्ड कियाको नेपाली बजारमा सेल्टोस, सोनेट र क्यारेन्स एसयूभी उपलब्ध रहँदै आएको छ । यी गाडीमा बिक्री पछिको सेवा उपलब्ध गराउन कम्पनीले देशका विभिन्न स्थानहरुमा विक्री पछिको सेवा विस्तार गरिरहेको छ ।