टोयोटा हाइलक्ससँग प्रतिस्पर्धा गर्ने पिकअप ल्याउदै किया

कियाले टोयोटा, इसुजु र फोर्डसँग प्रतिस्पर्धा गर्न पिकअप ट्रक ल्याउने तयारी गर्दैछ । हालैको रिपोर्टका अनुसार कियाले नयाँ पिकअप ट्रक २०२४ सम्ममा लन्च गर्ने लक्ष्य राखेको छ । कम्पनीले टोयोटा हाइलक्स, इसुजु डी–म्याक्स र फोर्ड रेन्जरलाई चुनौती दिनेछ । यसको कोडनेम टीके राखिएको छ ।

कियाको सो नयाँ ट्रक पेलोडमा १,००० केजी र टोइङमा ३,५०० केजी हुनेछ । सो ट्रक सिंगल र डबल क्याब भेरिएन्टमा उपलब्ध हुनेछ । यो ग्राहकको आवश्यकता अनुसार फोर बाई फोर वा रियर ह्विल ड्राइभ विकल्पमा उपलब्ध हुनेछ । यसको डिजाइनको जानकारी भने कम्पनीले गोप्य राखेको छ ।

कियाले नयाँ ट्रक २ इन्जिनमा लन्च गर्नेछ । यसमा २.२ लिटर ४ सिलिन्डर टर्बाे डिजेल इन्जिन हुनेछ, जसले १९८ एचपीको पावर र ४४० एनएमको टर्क जेनेरेट गर्छ । त्यसैगरी अर्को ३.० लिटर टर्बो डिजेल भी६ इन्जिन हुनेछ, जसले २४६ एचपीको पावर र ५६० एनएमको टर्क जेनेरेट गर्छ ।

कियाले सो नयाँ पिकअप ट्रक एसिया, अफ्रिका, ल्याटिन अमेरिका र युरोप जस्ता अन्य बजारमा पनि लन्च गर्ने योजना बनाएको छ । तर कम्पनीले यो पहिले अष्ट्रेलियामा लन्च गर्न सक्ने अनुमान गरिएको छ ।