२५० देखि ४०० सीसी सम्मका मोटरसाइकलको कर घट्यो, केही मूल्य घट्ने

काठमाडौं – सरकारले हिजो प्रस्तुत गरेको बजेटमार्फत २५० देखि ४०० सीसी सम्मका मोटरसाइकलको कर घटाइएको छ ।

यी मोटरसाइकलमा पहिले ९० प्रतिशत सम्म अन्तःशुल्क रहेकोमा अब ६० प्रतिशत मात्र हुने भएको छ । त्यसैगरी सडक निर्माण दस्तुर पनि पहिले ५० हजार रहेकोमा अब ३० हजार मात्र भएको छ ।

यसबाट यी सेगमेन्टका मोटरसाइकलको मूल्यमा केही कमी आउन सक्ने अनुमान गरिएको छ ।

यसबाट नेपाली बजारमा उपलब्ध रोयल इन्फिल्ड, जावा, येज्दी, हस्कभर्ना, केटीएम, बीएमडब्ल्यु र होन्डाको माथिल्लो भर्सनका बाइक किन्न चाहने ग्राहकलाई फाइदा पुग्ने छ ।