बाउन्स इन्फिनिटी र वान इलेक्ट्रिक सहित विभिन्न ब्रान्ड नेपाल भित्रिदै, यस्तो हुनेछ मूल्य

काठमाडौं – नेपाली बजारमा बाउन्स इन्फिनिटी, फ्युचर ग्रिन ईभी, वान इलेक्ट्रिक लगायत विभिन्न ब्रान्डका इलेक्ट्रिक स्कुटर भित्रिने भएका छन् । नेपालका लागि आधिकारिक वितरकको रुपमा न्यु इनर्जी मोटर्सले यी इलेक्ट्रिक स्कुटर नेपाल भित्र्याउने भएको हो ।

हाल नेपाली बजारमा प्योर ईभी इलेक्ट्रिक स्कुटर बिक्री–वितरण गरिरहेको ह्वाइट लोटस मोटर्स समूहले नै यी स्कुटर समेत नेपालमा बिक्री–वितरण गर्न लागेको हो । यी स्कुटरको मूल्य सूची समेत सार्वजनिक भएको छ ।

हाल यी स्कुटर परीक्षण भइरहेको र नेपाली सडक अनुसार परिमार्जन समेत गरिने कम्पनीको भनाइ छ ।

यी स्कुटरको मूल्य २ लाख देखि ३ लाख २५ हजार रुपैयाँ सम्म हुनेछ ।