अटोमेटिक क्लाइमेट कन्ट्रोल के हो ? यसको फाइदा र बेफाइदाहरु के के छन् ?

अटोमेटिक क्लाइमेट कन्ट्रोल कारमा हुने विशेष सेफ्टी फिचर हो । के तपाईंलाई यसको बारेमा थाहा छ ? अटोमेटिक क्लाइमेट कन्ट्रोलको फाइदा पनि छ र बेफाइदा पनि छ ।

अटोमेटिक क्लाइमेट कन्ट्रोलले कार ड्राइभ गर्न सजिलो हुनुका साथै सेफ्टीमा पनि सहज हुन्छ । धेरै कारहरूमा यो फिचर स्ट्यान्डर्डको रूपमा दिइएको हुन्छ ।

यो फिचर प्रयोग गर्न सजिलो छ । कुनै पनि तापक्रममा एसी सेट गरी अटोमेटिक क्लाइमेट कन्ट्रोलको लागि बटन थिची कारको एसीले फ्यानको स्पिड र क्याबिनको तापक्रम स्वतः सेट हुन्छ ।

कारमा एसी चलाउँदा कारको तापक्रम अलि कम हुन्छ । तर यो फिचर प्रयोग गर्दा कारमा एकनासको तापक्रम रहन्छ । साथै म्यानुअल एसीमा जस्तै बाहिरबाट आउने घामका कारण क्याबिनलाई चिसो पार्न बारम्बार फ्यानको स्पिड घटाउनु वा कुलिङ गरिरहनु पर्दैन । यसले चालकको ध्यान ड्राइभिङमा नै रहन्छ ।

अटोमेटिक क्लाइमेट कन्ट्रोलको बेफाइदाहरू पनि छन् । यो फिचरले धेरै समय र पैसा खर्च हुन सक्छ । यो फिचर अटोमेटिक भएको कारणले गर्दा यो एकपटक बिग्रियो भने म्यानुअल एसीको तुलनामा यसलाई फिक्स गराउन महँगो पर्छ ।

म्यानुअल एसीमा खराबी भएमा कम्प्रेसर परिवर्तन गरे पुग्छ तर अटोमेटिक क्लाइमेट कन्ट्रोलमा गडबडी भएमा त्यसलाई सर्भिस गर्न राम्रो मेकानिकको साथै अनबोर्ड कम्प्युटर पनि सेट गर्नुपर्छ । अटोमेटिक क्लाइमेट कन्ट्रोलमा धेरै बटनहरू पनि हुन्छ । यसलाई राम्रोसँग सञ्चालन गर्न सुरुमा केही कठिनाइ हुन सक्छ ।