कोमाकी नेपालले ल्यायो डबल ब्याट्री र धेरै रेन्ज भएको इलेक्ट्रिक स्कुटर एलवाई प्रिमियम

काठमाडौं – नेपाली बजारमा पहिले देखि नै कोमाकीको इलेक्ट्रिक स्कुटर उपलब्भ भएकोमा अब यो भन्दा अझै पावरफुल भर्सन कोमाकी एलवाई प्रिमियम भित्रिएको छ । नेपालका लागि आधिकारिक वितरक युनिटी ट्रेडिङ कन्सर्नले सो स्कुटर नेपाली बजारमा उपलब्ध गराएको हो ।

यो स्कुटरमा अझै बढी पावर र रेन्ज उपलब्ध रहेको छ । कोमाकी एलवाई प्रिमियममा ३ हजार २ सय वाटको पिक मोटर पावर र २.०४६ किलोवाट आवरको ड्युअल लिथियम आइरन फस्फेट ब्याट्री रहेको छ । यसले ४.१० किलोवाट आवर बराबरको ब्याट्री पावर दिने कम्पनीको भनाइ छ ।

‘बाटोको अवस्था अनुसार नेपाली सडकमा कोमाकी एलवाई प्रिमियमले १६० देखि २०० किलोमिटरको रेन्ज दिन्छ ।’ युनिटी ट्रेडिङ कन्सर्नका सेल्स हेड उमेश अधिकारी भन्छन् ।

हाल केही समयका लागि स्कुटरमा १४ हजार रुपैयाँ छुट उपलब्ध छ । यस अनुसार हाल कोमाकी एलवाई प्रिमियम इलेक्ट्रिक स्कुटर ३ लाख ४५ हजार रुपैयाँमा उपलब्ध हुनेछ ।

कोमाकीले हालै अर्को इलेक्ट्रिक स्कुटर कोमाकी फ्लोरा समेत सार्वजनिक गरेको छ । विशेष गरी महिलाहरुका लागि डिजाइन गरिएको यो स्कुटर सहित हाल नेपाली बजारमा कोमाकीका ८ मोडलमा १४ भेरिएन्ट इलेक्ट्रिक स्कुटर उपलब्ध छन् ।

कोमाकी ईभी जापनिज प्रविधिद्वारा भारतमा उत्पादन गरिने इलेक्ट्रिक ब्रान्ड हो ।