महिला लक्ष्यित कोमाकी फ्लोरा प्रिमियम इलेक्ट्रिक स्कुटर नेपालमा सार्वजनिक, १४ हजार छुट अफर

काठमाडौं – जापनिज प्रविधिद्वारा भारतमा उत्पादन हुने कोमाकी ईभीको नयाँ इलेक्ट्रिक स्कुटर ‘फ्लोरा’ नेपाली बजारमा उपलब्ध भएको छ । कोमाकीको नेपालका लागि आधिकारिक वितरक युनिटी ट्रेडिङ कन्सर्नले सो स्कुटर नेपालमा उपलब्ध गराएको हो ।

विशेष गरी महिलाहरुलाई लक्ष्यित गरी तयार पारिएको सो स्कुटर नेपाली महिलाहरुको हाइट देखि राइडिङ ह्याबिट सम्मका लागि उपयुक्त भएको कम्पनीको भनाइ छ । कोमाकी फ्लोरा स्टाइल, कार्यक्षमता र प्रिमियमनेसको एक उत्तम सम्मिश्रण हो ।

सो स्कुटरमा २ हजार ८ सय वाटको मोटर र २.१०८ किलोवाट आवरको लिपो फोर डिट्याचेबल ब्याट्री छ । कोमाकी फ्लोराले सिंगल चार्जमा १०० किलोमिटरको दुरी तय गर्ने युनिटी ट्रेडिङ कन्सर्नले दावी गरेको छ ।

कोमाकी फ्लोरामा इको, स्पोर्ट र टर्बो गरी तीन वटा गियर मोड छन् । राइडरले आवश्यकता अनुसार मोड स्विच गरी प्रयोग गर्न सक्छन् ।

त्यसैगरी यसमा मल्टिपल सेन्सर तथा वायरलेस तरिकाले अपडेट गरिएका विभिन्न फिचर छन् । यसममा एन्टी स्किड टेक्नोलोजी, लङ कम्फर्टेबल सिट, एडिसनल ब्याकरेस्ट, ड्युअल फुट रेस्ट जस्ता फिचर छन् ।

कोमाकी ईभी नेपालले हाल सो स्कुटरको मूल्य २ लाख ६९ हजार रुपैयाँ तोकेको छ । तर सीमित अवधिका लागि यो स्कुटरमा १४ हजार रुपैयाँ छुट अफर उपलब्ध गराइएको युनिटी ट्रेडिङ कन्सर्नका सेल्स हेड उमेश अधिकारीले बताए । यस अनुसार यो स्कुटर हाल २ लाख ५५ हजार रुपैयाँमै उपलब्ध हुन्छ ।