लन्च हुनु पहिले नै डिलरमा देखियो प्रोडक्सन रेडी हिरो करिज्मा एक्सएमआर २१०

प्रोडक्सन रेडी हिरो करिज्मा एक्सएमआर २१० भारतका केही डिलरहरुमा लन्च हुनु भन्दा पहिले नै देखिएको छ । डिलरहरुमा सार्वजनिक भए पश्चात इन्टरनेटमा सो मोटरसाइकलका स्पाई सट भाइरल भइरहेका छन् ।

हिरोको नयाँ मोटरसाइकल एक्सएमआर २१० लन्च हुने समाचार पहिले देखि नै सार्वजनिक भइरहेका थिए । तर अचानक यसको तस्बिर नै सार्वजनिक भएको हो ।

करिज्मा एक्सएमआर २१० ब्रान्ड न्यु र एथ्लेटिक लुकमा उपलब्ध छ । यसको डाइनामिक फेयरिङ डिजाइन, रेजर–सार्प फ्रन्ट फेसिया र टेल पार्टले यसलाई युथफुल एपियरेन्स देखाएको छ ।

यो भन्दा पहिले बजारमा उपलब्ध करिज्मा जेडएमआरको नयाँ भर्सनको रुपमा आउने बताइएको यो मोटरसाइकलले स्पोर्टी र प्राक्टिकल पक्षलाई ब्यालेन्स गरेको अनुमान गरिएको छ ।

स्पोर्ट्स टुररको अनुभूति गराउने गरी यसमा यसमा भएको टल र इलिभेटेड ह्यान्डलबारले भूमिका खेलेको छ । वास्तबमा यसले हिरोको लोकप्रिय मोटरसाइकल करिज्मा २२५ स्पोर्टबाइकलाई प्रतिस्थापन गर्ने बताइएको छ ।

यसमा भएको २१० सीसी लिक्विड–कुल्ड सिंगल सिलिन्डर इन्जिनले २५ एचपी पावर र ३० एनएम टर्क जेनेरेट गर्ने अनुमान गरिएको छ । स्पाई इमेजका अनुसार यसमा टेलिस्कोपिक फ्रन्ट फोर्क्स र मोनोसक हुनेछ । रोडका लागि डिजाइन गरिएको अलोय ह्विलले यसलाई थप आकर्षक बनाएको छ ।

यामाहा आर १५ र केटीएम आरसी २०० जस्ता मोटरसाइकलसँग प्रतिस्पर्धा गर्ने हिरोको यो मोटरसाइकलको मूल्य पनि पछि नै सार्वजनिक हुनेछ । त्यसैगरी यसको औपचारिक लन्च समेत हुन बाँकी छ ।