भ्वाइस कमान्ड र इलेक्ट्रिक सनरुफ फिचर सहित आयो किया सोनेटको स्पेसल एडिसन ‘आरोस’

कियाले सब फोर मिटर एसयूभी सोनेटको स्पेसल भर्सन ‘आरोस’ लन्च गरेको छ । सोनेटको आरोस एडिसन यसको एचटीएक्स भेरिएन्टमा आधारित छ । यसको मूल्य ११ लाख ८५ हजार देखि १३ लाख ४५ हजार भारुसम्म छ ।

कम्पनीले सोनट आरोस १.० लिटर टर्बो पेट्रोल इन्जिन र १.५ लिटर टर्बो डिजेल इन्जिनमा लन्च गरेको हो । पेट्रोल इन्जिनले १२० एचपी पावर र १७२ एनएम टर्क जेनेरेट गर्छ । सो इन्जिन ७ स्पिड ड्युअल क्लच अटोमेटिक गियरबक्ससँग ट्युन गरिएको छ । यसको डिजेल इन्जिनले ११६ एचपीको पावर र २५० एनएमको टर्क जेनेरेट गर्छ । डिजेल इन्जिनमा ६ स्पिड टर्क कन्भर्टर अटोमेटिक गियरबक्स जडान गरिएको छ ।

कारको फ्रन्टमा सिग्नेचर टाइगर नोज ग्रिल दिइएको छ । कारमा फ्रन्ट टेजेरिनको साथ आरोस फ्रन्ट, रियर र साइड स्किड प्लेट समावेश छ । यसको साथै कारमा १६ इन्चको डायमण्ड कट अलोय ह्विल, क्राउन ज्वेल एलईडी हेडल्याम्प दिइएको छ ।

कारमा इलेक्ट्रिक सनरुफ पनि लगाइएको छ, जसलाई भ्वाइस कमाण्डमार्फत सञ्चालन गर्न सकिन्छ । सो कार ४ कलरमा उपलब्ध छ ।

किया सोनेट आरोस एडिसनमा ८ इन्चको टचस्क्रिन इन्फोटेनमेन्ट सिस्टम छ, जसले एन्ड्रोइड अटो र एप्पल कार प्लेलाई सपोर्ट गर्छ । यसमा फ्ल्याट–बटम स्टेयरिङ ह्विल, हाइट एडजस्टेबल ड्राइभर सिट, रिमोट इन्जिन स्टार्ट फङसन, पुश–बटन स्टार्टसहितको स्मार्ट कि, क्रुज कन्ट्रोल र अटोमेटिक क्लाइमेट कन्ट्रोल जस्ता फिचर पनि छ ।

सेफ्टीका लागि कारमा इलेक्ट्रोनिक ब्रेक फोर्स डिस्ट्रिब्युसन, इमरजेन्सी स्टप सिग्नल, ब्रेक असिस्ट, इलेक्ट्रोनिक स्टेबिलिटी कन्ट्रोल, हिल–स्टार्ट असिस्ट कन्ट्रोल, भेइकल स्टेबिलिटी म्यानेजमेन्ट र ४ वटा एन्टिलक ब्रेक सिस्टम समावेश छ ।