मासिक २० हजार किस्ताबन्दीमा केटीएम आरसी २००

नेपाली बजारमा उपलब्ध केटीएमका विभिन्न मोटरसाइकल मध्ये आरसी २०० पनि एक हो । युवा पुस्ताको रोजाइमा पर्ने स्पोर्ट्स मोटरसाइकल आरसी २०० लिन चाहने धेरै हुन्छन् ।

नेपाली बजारमा हंसराज हुलासचन्द एन्ड कम्पनीले केटीएमका मोटरसाइकल बिक्री–वितरण गरिरहेको छ । केटीएम आरसी २०० को मूल्य ६ लाख ७४ हजार ९ सय रुपैयाँ छ ।

कम्पनीले हाल ५० प्रतिशत डाउन पेमेन्ट गरे पछि बाँकी रकम १८ महिना सम्म किस्ताबन्दीमा तिर्न सकिने गरी उपलब्ध गराइरहेको छ । यस अनुसार शुरुमा डाउन पेमेन्टको रुपमा ३ लाख ३७ हजार ४५० रुपैयाँ बुझाउनु पर्छ भने त्यति नै रकम किस्ताबन्दीको रुपमा बुझाउन सकिन्छ ।

शुरुमा १ वर्षको इन्स्योरेन्स रकम र रजिष्ट्रेशन शुल्क लगायतका रकम पनि बुझाउनु पर्ने हुनाले केही बढी रकम बुझाउनु पर्छ । १८ महिना सम्म मासिक किस्ता हिसाब गर्दा २० हजार २६५ रुपैयाँ हुन आउछ । यस अनुसार इन्स्योरेन्सको १३ हजार ५ सय र मासिक किस्ता तथा अन्य सबै जोड्दा शु्रुको महिनामा भने ३ लाख ७२ हजार रुपैयाँ बुझाउनु पर्छ । यो वाहेक सर्भिस चार्जको रुपमा समेत केही रकम बुझाउनु पर्छ ।

यस्तो छ केटीएम आरसी २००
नेपाली बजारमा केटीएम आरसी २०० गत वर्ष भित्रिएको हो । पहिले नै नेपाली बजारमा उपलब्ध भए पनि गत वर्ष देखि थप फिचरका साथ यो मोटरसाइकल नेपाली बजारमा उपलब्ध भएको थियो ।

सो बाइकमा २०० सीसी लिक्विड कुल्ड सिंगल सिलिन्डर इन्जिन दिइएको छ जसले १० हजार आरपीएममा २५ पीएस पावर तथा ८ हजार आरपीएममा १९.२ एनएम टर्क जेनेरेट गर्छ । सो बाइकमा ६ स्पिड गियर बक्स रहेको छ ।

केटीएमले ट्रयाकलाई फोकस गरेर बाइकलाई बजारमा उतार्ने गर्छ । टीएसएस अर्थात ट्रयाक, स्पोर्ट र स्पिड जुनमा पनि यसलाई प्रयोग गर्न सकिन्छ । त्यसैगरी यसलाई ट्रयांगुलर फर्मेसनमा निर्माण गरिएको छ । केटीएमले २०२० देखि नै यही फर्मेसनमा बाइक निर्माण गरिरहेको छ ।

फरक फरक बाटोमा फरक तरिकाले चलाउनका लागि यसमा विभिन्न प्रकारका राइडिङ मोड दिइएको छ । सुपरमोटो र रोड गरी दुई प्रकारका राइडिङ मोड यसमा उपलब्ध छ ।

यसममा १३.७५ लिटरको ट्यांकी रहेको छ । त्यसैगरी यसमा भएको फुल रेडियल टायरमा भएको धेरै एजिलिटीका कारण कर्नरिङमा सहजता थपिन्छ ।

राइडरको आवश्यकता अनुसार यसको ह्यान्डलिङ परिवर्तन गर्न सकिन्छ । टुरिङको अवस्थामा र अन्य सामान्य अवस्थामा आवश्यकता अनुसार ह्यान्डललाई तल वा माथि गर्न सकिन्छ ।

इजी टु मेन्टेन र ड्युरेबिलिटी यसको प्रमुख विशेषता हो । पहिले यसका लागि यो मोटरसाइकलले ७० मात्र अंक पाउन सक्थ्यो भने अहिले ९० भन्दा माथि नै अंक पाउन सक्ने बताइएको छ ।