एम्पियर बन्यो भारतको शीर्ष ५ इलेक्ट्रिक स्कुटर ब्रान्ड, नेपालमा लोकप्रिय बन्दै
काठमाडौं–इलेक्ट्रिक स्कुटर ब्रान्ड एम्पियरले भारतमा उल्लेखनीय सफलता...
महिन्द्राले यसै वर्षको सूरुवातमा लन्च गरेको पहिलो इलेक्ट्रिक कार एक्सयूभी ४०० को माग भारतमा उच्च दरले बृद्धि भइरहेको छ । यो इलेक्ट्रिक एसयूभीलाई हात पार्न ग्राहकले भारतमा ४ महिनासम्म कुर्नुपर्ने जनाइएको छ । महिन्द्राले यसअघि लन्च गरेको अन्य नयाँ एसयूभीको तुलनामा ‘वेटिङ पिरियड’ कम भएपनि एक्सयूभी ४०० इभीलाई रुचाउने ग्राहकको संख्या भने वढिरहेको छ ।
कम्पनीले यो नयाँ एसयूभीको टप–स्पेक भेरिएन्ट ईएललाई डेलिभरी दिन शुरु गरिसकेपनि वेस भेरिएन्ट ईसीको डेलिभरी भने शुरु गरिसकेको छैन । वेस भेरिएन्टलाई यसै वर्षको फेस्टिवल सिजनबाट डेलिभरी दिने कम्पनीले योजना वनाएको छ ।
भारतमा लन्च भए लगत्तै यो इलेक्ट्रिक एसयूभीका विषयमा चासो व्यक्त गर्ने नेपाली इभी पारखीको संख्या समेत वढिरहेको छ । यो नयाँ एसयूभी कहिल नेपाल आउँछ भन्ने विषयमा अन्योलता कायमै रहेको अवस्थामा नेपालका लागी आधिकारिक वितरक अग्नी इन्कर्पोरेटेड प्रालिले उपयुक्त समयमा ल्याउने वताएको छ । कम्पनी स्रोतका अनुसार भारतमै यसको माग अत्याधिक धेरै भएको कारण नेपाल आउने विषयमा टुंगो नलागेको हो ।
एक्सयूभी ४०० इभीलाई महिन्द्राले ३४.५ किलोवाट आवर र ३९.४ किलोवाट आवर गरी कुल दुईवटा व्याट्री प्याकमा लन्च गरेको छ । जसको पावर १५० पिएस र टर्क ३१० एनएम रहेको छ । यो एसयूभीले सिंगल चार्जमा क्रमश ३७५ र ४५६ किलोमिटर रेन्ज दिने दावी गरिएको छ ।
यसमा ७ इन्चको टचस्क्रिन इन्फोटेन्मेन्ट सिस्टम, सिंगल प्यानल सनरुफ, इलेक्ट्रिकल्ली एड्जस्टेवल एण्ड फोल्डेवल ओआरभीएमएस, ६ वटासम्म एयरव्याग, इएससी र रियर–भ्यू क्यामेरा लगायत फिचर दिइएको छ । कम्वस्चन इन्जिनयुक्त एसयूभी एक्सयूभी ३०० को इलेक्ट्रिक भर्सन यसले सेफ्टि टेष्टमा ५ स्टार रेटिङ पाएको छ ।
एक्सयूभी ४०० ईभीले बजारमा अहिले सर्वाधिक चर्चा कमाएको टाटा नेक्सन इभीसंग सिधा प्रतिस्पर्धा गरिरहेको छ । यसको मूल्य भारतमा १६ देखी १९ लाख भारुसम्म निर्धारण गरिएको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...