टर्बो बुस्टरजेट पेट्रोल इन्जिन सहित आउने छ नयाँ स्विफ्ट

मारुती सुजुकी लोकप्रिय ह्याचब्याक स्विफ्टको नयाँ जेनेरेसन ल्याउने तयारी गरिरहेको छ । रिपोर्टका अनुसार कम्पनीले यसलाई २०२४ अटो एक्सपोमा लन्च गर्नेछ । नयाँ स्विफ्टमा फ्रङ्क्सको इन्जिन प्रयोग गरिनेछ ।

कारमा माइल्ड हाइब्रिड प्रविधि पनि ल्याउने सम्भावना रहेको छ । सो कारमा टर्बो बुस्टरजेट पेट्रोल इन्जिन प्रयोग गरिने छ । सो इन्जिन १.० लिटर ३ सिलिन्डरको हुनेछ । जसले १०० पीएस पावर जेनेरेट गर्नेछ । यो इन्जिनमा ५ स्पिड म्यानुअल र ६ स्पिड अटोमेटिक ट्रान्समिसनको विकल्प हुनेछ ।

हाइब्रिड पावरट्रेनको कारमा १.४ लिटर टर्बो पेट्रोल इन्जिन प्रयोग गरिने पनि चर्चा छ । यसका लागि मारुती सुजुकीले टोयोटासँग पनि साझेदारी गरेको छ । स्विफ्टमा १.२ लिटर इन्जिन पाउने सम्भावना छ ।

नयाँ स्विफ्टमा ३६० डिग्री क्यामेरा, ९ इन्चको इन्फोटेनमेन्ट सिस्टम, अटोमेटिक क्लाइमेट कन्ट्रोल एसी, स्टेयरिङ माउन्टेड कन्ट्रोल, पुस बटन स्टार्ट, किलेस इन्ट्री जस्ता फिचर हुनेछ । यससँगै इन्स्ट्रयुमेन्ट क्लस्टरको डिजाइन परिवर्तन गरिएको छ । सेफ्टीको लागि स्विफ्टमा ६ वटा एयरब्याग, क्रुज कन्ट्रोल, सेफ्टी बेल्ट रिमाइन्डर, स्पिड अलर्ट, ब्याक क्यामेरा, रिभर्स पार्किङ सेन्सर, एबीएस, ईबीडी जस्ता फिचर हुनेछ ।

कारको डिजाइनमा खासै परिवर्तन नहुने भए पनि यसको डायमेन्सन भने अलि फरक हुनेछ । साथै, हेडलाइट र बम्परको डिजाइन परिवर्तन गरिएको छ । कारलाई स्पोर्टी लुक दिनका लागि ड्युअल कलर टोन पनि दिइएको छ ।