यामाहाले ल्यायो नयाँ वर्ष अफर, बाइक किन्दा क्यासब्याक र उपहारको अवसर

यामाहा मोटरसाकल तथा स्कुटरको आधिकारिक विक्रेताएमएडब्ल्यु इन्टरप्राइजेजले नयाँ वर्ष २०८० अफर ल्याएको छ । ‘पावर अफ फाइभ’ ट्यागलाइन सहित आएको सो अफर अन्तर्गत ग्राहकले बाइक किन्नुअघि, किनेपछि र रेफरल कोड सेयर गर्दा क्यासब्याक र विभिन्न उपहारहरु पाउनेछन् ।

बाइक किन्नुअघि ग्राहकले ५० हजार रुपैयाँसम्म क्यासब्याक पाउनेछन् भने किनेपछि वाइल्ड कार्डमार्फत अर्को १ लाख रुपैयाँसम्म क्यासब्याक पाउन सकिनेछ ।

यसैगरी बाइक किन्ने ग्राहकलाई कम्पनीले एउटा रिफरल कोड उपलब्ध गराउँनेछ । सो कोडलाई सेयर गरी हरेक हप्ता एकजना भाग्यशाली विजेताले आईफोन १४, एप्पल वाच र एप्पलकै एयर पड उपहार पाउन सक्ने कम्पनीले जनाएको छ ।

नेपाली बजारमा सर्वाधिक रुचिको टु ह्विलर ब्रान्डका रुपमा स्थापित यामाहाले हरेक नयाँ वर्षमा आकर्षक स्किम ल्याउँदै आएको छ । यो स्किम यामाहाको देशभर रहेका सोरुममा लागु हुने कम्पनीको भनाइ छ ।